CCCXXXVII. Gerhard Vogt und Herr zu Hunolstein quittirt dem Herzog von Luxemburg über 1150 Goldgulden. 1369 August 13. Wir Gerard Voit Herre zu Honnelsteyn duen kont allen luden vnd bekennen vns offentlyche In diesme brieue, dat so wye vnser lieue genedich herre, vnser herre der Hirtzoghe van Lucemburg vnd van Brabant vns mit synen offenen be- siegelden brieuen schuldich were Sefsehondert alde Royaule oup eynen dach tzebezaellen, vnd vns oup dy tzyt noch dach nit betzaellt weurde naest Inhalden vnser brieue, vnd wir van beuellen vnsers lieben vnd genedichen Herren des Hirtzoghen van Lucemburg vnd van Brabant vurgen. vnd bieden dat selue gelt zu den Jueden van Trieren geleent oup kost hetten, dez wir grosen vnd kunt- lychen schaden vnd cost gelieden han. Nu hat vns vnser vurgen. Herre der Hirtzoghe van Lucemburg vnd van Brabant begnadet vnd haet vns vour dy vurgen. Sefsehondert alde Royaule vnd allen den schaden vnd cost, den wir dar van gelieden haen oder dar van lieden meechten, gebben Eylfhondert vnd vonf- zych cleyne gulden gouden goldes vnd swaren gewiechtes, welche vns Herr Dye- derich Herre zu 'Welchenhusen Leutenant vnd drossez dez Hirtzdombs van Lucem burg gentzlich vnd wael betzaelt haet In vnsers vurgen. Herren dez Hirtzoghen weghen, vnd zeelen vnsern Herrn den Hirtzoghe, syne gerben vnd alle die dyese quittancie aenrüren mach, los Ind quite, vnd gelouen darzu In gouden truwen bynnen Echt daghen naest datum dieses brieues dye brieue van den sefsehondert Royaulen, dye wir haen van vnserm Herren noch hinder vns, dem vurgen. Herrn Dyederich Herrn zu Welchenhusen Leutenant vnd Drossez zu Lucemburg zu sen den. Dez ze Vrkonde vnd wand wir vnsers Ingesiegels nit by vns Inhaen, so haen wir gebedden Nyclaes can Honnelsteyn, vnsern brouder, daz er vour vns vnd vnser gerben synen Ingesiegel aen diese quittance henke. Vnd ich Nyclaes van Honnelsteyn vmb bedden willen myns vurgen. brouders Herren Gerardes Vodes vnd Herren zu Honnelstein haen mynen Ingesiegel aen diese quittancie gehenket alle dye vurschrieben sachen zu bezeughen. Gebben dez XIII daghes Im aougst dez Jares XIIIe' nun vnd sefsich Jaer. Orig. perg. ohne Siegel im Haus-, Hof- und Staatsarchiv zu Wien. Abtheilung Luxemburger Urkk. — Copien Bibl. Impér. zu Paris. Msc. Latin. 9290, fol. 523 und im Chartular von 1546 im Gouvern. Arch. zu Luxemburg. 34* 268