Wir Bertold von gots gnaden grefe von Hennenberg bekennen offenlichc an | disra brife allen den, di in sehen oder norn lesen, daz wir vor kauft haben vnd | vorkaufen den erbern luethen, den . . korhern zcu Smalkalden vnsers gestiftes | drue phuent haller guide mit der wisunge, di dar zcu gehoert. Der gehen sibin | Schillinge vnd zcwey phuent von dem gute, da . . Wideners suen vffe sitzet vnd | erbeyt in der marke des dorfs Heyendorf, vnd dritzcehen 5. Schillingen in dem | dorf zcu Nidern Crumpach gemeyneliche. Di sulle sie alle jar in nemen mit| der wisunge, di dar zcu gehört. Aber vnser dinst bihalden wir vf dem selben | gute vmme drizik phuent geber vnd gueter haller, der sie vns gar bizcalt | haben, vnd di wir ouch an vnsera nuetz haben gewant. Ouch haben di vor | genanten . . korhern vns di guenst getahen, daz wir oder vnser . . erben di | vorbischriben dru phuent haller guide inucgen wider kaufen, Ю. wan wir wollen, | vmbe drizcik phuent guter haller, als wirs in vorkauft haben. Des zcu eyme| vrkunde geben wir disen brif vorsigelt mit vnserme insigel, daz ist | gehenget an disen brif.

Nach gots geborte dritzcehen hundirt jar, darnach j in dem fumfvnddrizigisten jare, an dem dinstage in der osterwochen.