Universis sancte matris ecclesie filiis ad quos presentes littere pervenerint, nos dei gratia Rogerius Sancti Seurini, Philippus Salernitanus et Petrus Arborensis archiepiscopi, frater Franciscus Teracinensis, frater Franciscus Fanensis, frater Romanus Crohensis, Guil-lelmus Callensis, frater Mancellus Anteradensis, Stephanus Opidensis, Peronus Larinen-sis, Ciprianus Bouensis, frater Maurus Ameliensis, Sabbas Militensis, Jacobus Treuen-tinus, Robertus Calinensis et Andreas Lidensis episcopi salutem in domino sempiternam. Vite perhennis gloria, qua mira benignitas conditoris omnium coronat aciem beatam civium supernorum, a redemptis precio sanguinis fusi de precioso corpore redemptoris meritorum debet acquiri virtute. Inter que illud pregrande dinoscitur, quod ubique set precipue in sanctorum ecclesiis magestas altissimi collaudetur. Cupientes igitur, ut ecclesia beati Cas-toris confessoris de Ailsdorp Coloniensis diocesis congruis honoribus frequentetur et a Christi fidelibus iugiter veneretur, omnibus vere penitentibus et confessis, qui ad dictam ecclesiam in festis subscriptis, videlicet nativitatis domini nostri lesu Christi, resurectionis, ascensionis et pentecostes, in quatuor festivitatibus gloriosissime virginis Marie et per octo dies ante quatuor festivitates beate virginis predictas et per octavas earundem, in omnibus et singulis festis beatorum Petri et Pauli apostolorum ac in die sancti Castoris beatorum-que Nicolai, Martini et Gregorii confessorum, in festivitate omnium sanctorum ac eciam in festis beatarum Katerine, Margarete et Cecilie virginum, in die dedicationis ecclesie preli-bate et per octavas omnium festivitatum predictarum, per totam quadragesimam causa devotionis seu peregrinacionis accesserint et ibidem divinum officium audierint et qui ad fabricam, luminaria, ornamenta vel aliqua alia necessaria ipsius ecclesie manus porrexer-int adiutrices aut in extremis laborantes quicquam facultatum suarum dederint, legaverint vel assignaverint dicte ecclesie nec non et omnibus vicariis vel sacerdotibus ibidem minis-trantibus ceterisque christianis dictos dei ministros cum corpore Christi ad infirmos se-quentibus: nos de omnipotentis dei misericordia beatissimeque semper virginis Marie nec non beatorum Petri et Pauli apostolorum atque omnium sanctorum auctoritate confisi sin-guli singulis singulas dierum quadragesimas de iniunctis sibi penitenciis et devote suscep-tis, dummodo loci diocesanus hanc nostram indulgenciam ratam habuerit, misericorditer in domino relaxamus. In cuius rei testimonium presentes litteras sigillorum nostrorum munimine fecimus communiri. Datum Rome anno domino millesimo ducentesimo nonagesimo quinto, pontificatus domini Bonifacii pape octavi anno primo.||
(ungeprüft nach https://alsdorf-online.de/geschichte/pdf/kapitel-7.04.pdf)