Marie, par la Grace de Dieu, royne de Jherusalem et de Sicile, duchesse d’Anjou, contesse Provence, de/ Forcalquier, du Maine, de Pymont et de Roueyl. À touz ceulx qui ces lettres veuont, Salut. Comme le roy desdiz royaumes, nostre filz, par certaines ses lectres/ patentes, et pour et en accomplissement de certaines promesses par lui et nous ja pieça faittes par certains actors et convenances faiz en traictant et faisant/ le mariage d’entre lui et nostre tres chiere et tres amee fille Yolant, fille de roy d’Aragon, sa femme et espouse, et royne desdiz royaumes. C’est assavoir de bailler/ et assigner à nostre dicte fille, le mariage consommé d’entre eulx, noz chastel, ville, chastellenie, terre et appertenances de Mirebeau, sur et à cause de son douaire/ et en diminucion de la somme de dix mille frans dont nostre dit filz le roy la doit dotter et assigner pour son douaire dessus-dit et pour sa chambre, et estoit à piedé/ et avoir par chascun an, le cours de sa vie durant, tant oudit conté de Provence comme en ses-diz duché d’Anjou et contez du Maine et de Roueyl, ainsi que en/ certaines lectres et jugemmens faiz sur le fait dudit mariage est plus à plain contenu et declairé. Ait baillé et assigné à nostre dicte fille noz diz chastel, ville,/ chastellenie, terres et appertenances de Mirebeau si comme tout se poursuit, tant chastel, domaine, terres, possessions, foins, moulins, estancs, boys, garennes, prez, pastures,/ cens, rentes de nous confermes, passaiges, peaiges, hommages, services, juridicion, justice et seigneurie, comme en toutes autres choses quelzconques reservé à lui/ seulement le droit de souveraineté et seigneurie à lui appertenant au regart de sondit duchié d’Anjou apartenir, possider et exploiter par nostre dite fille la royne/ et de par elle lesdiz chastel, chastellenie, terres et appertenances de Mirebeau, e à en prendre et faire prendre, lever, cueillir, exiger et persevoir les fruiz et revenues/ pour convertir en ses usaiges et en faire à sa plaine voulenté ledit cours de sa vie durant. Et en oultre et autrement selon la fourme et maniere que contenu est, plus/ applain es dictes lectres dudit mariage, et prendre et recevoir des maintenant et apunt les foiz et hommages appertenans à nozdiz chastel, chastellenie et terre, à/ coumiettre et sustituer en yceulx cappitaine, bailli, chastellain, receveur, procureur, sergens et tous autres officiers, ceulx qui y sont ou autres telx comme il ly/ plaira. Et generaument, a y faire et faire faire en toutes choses qui y appertiennent et pourront appertenir tout à son vouloir et plaisir ainsi que es dictes lettres de/ nostredit filz le roy est plus à plain contenu et declairé. Savoir faisons que nous, actendues et considerees les dictes choses et qui les dictes promesses de nostre dit/ filz le roy et maistres, voulons tenir, entengner et acomplir sanz nulle contradicion, avons ladicte baillee et assignacon aggreable, et ycelle ratiffions, approuvons,/ et par ces presentes confermons et voulons, et nous plaise que elle ait et soiasse son plain effect de point en point tout selon la fourme et teneur desdittes lectres/ de nostredit filz le roy. Et renoncions quant à ce à tout droit et action que nous y povons avoir et qui nous y puet et doit appertenir tant pour cause d’acquest comme/ autrement en manière quelconques, et nous en desirestons et denie tous entierement par ces presentes. Et promettons en parolle de royne et sur l’obligacion de touz/ noz biens meubles et immeubles presens et avenir de non jamais venir, ne faire venir encontre par nous ne par autres publiquement, ocultement, ne autrement,/ pour quelconque cause ne en quelque maniere que ce soit. Par ainsi , toutesvoies que se il avenoit pour ce que nous sommes touz ainsi telz que nostre ditte fille/ la royne alast de vie à trespassement devant nous, combien que par cours de nature elle nous devioit seurvinvre, que noz ditte chastellenie, terres et appertenances/ de Mirebeau nous retourneront et revendront, et nous en pourrons en saisiner royaument et de fait, et les tenir, possider, expletter et en son tout ainsi et en/ un tel droit et maniere que nous faisions par avant le jourd’ui et que nous feissons et penssions faire à present et pour le temps advenir se ne fust nostre/ consentement dessus-dit. Et en celui cas est et sera tenu nostredit filz le roy les nous delivrer, descharger et acquicter envers touz et contre touz, de touz/ quelconques empeschemens ainsi qu’il le nous a promis par certaines ses lettres sur ce faictes. Si donnons en mandement par ces mesmes lettres à noz amez/ et feaulx conseillers les gens du conseil et des comptes de nostre dit filz le roy et nostres estans à Angiers que en faisant joir applain nostre dicte fille la royne de la/ precité assignacion et ordonnance de nostre dit filz le roy et nostre, ilz la mettent et instituent ou facent mettre et instituer ou son procureur ou procureur pour elle tel/ ou telx qu’il ly plaira en possession et saisine corporelle et realle desdiz chastel et chastellenie, terres, rentes, possessions, bienz et appertenances de Mirebeau. Et d’iceulx/ la facent, sueffient et laissent, et aussi sesdiz procureur ou procureurs et autres gens, joir et user plainement, paisiblement et sancz aucun empeschement tant selon/ la fourme et teneur desdictes lettres de nostredit filz le roy. Mandons aussi et commandons à touz noz officiers, vassaulx et subgectz desdiz chastel, chastellenie, terres et/ appertenances que à nostre dicte fille et à ses gens et officiers en toutes et chascunes les choses dessus dictes leurs circonstances et deppendances obeissent et entendent/ diligeamment present et donnent conseil, consoit faveur et aide se viestier en ont, et de par elle ou eulx en sont requis. En tesmoing de ce nous avons fait mettre/ nostre seel à ces patentes. Donné en nostre chastel d’Angiers, le xxvie jour d’avril, l’an de Grace mil quatre cens et vii, et de Mirebeau dom., et dessus et de Lacroiz./ ||
||
Envers : Par la royne en son conseil ouquel vous/ l’abbé de Saint-Aubin et le doyen d’Angiers,/ messire Guy de Laval, maistre Jehan le Regut,/ Pierre Soybaut et Pierre Guiot estiez./ ||
De Lacroiz, Angiers/ ||
||
Avers : Consentement de la royne Marie que la royne Yolant sa fille ait/ Mirebeau sur son doaire, non obstant que ladite royne Marie l’eust/ à l’achat, et si ladite royne Yoland meurt la premiere que/ ladite terre de Mirebeau retourneroi à ladite royne Marie./