CXII.

1434. Hai 3.

Xu gotes namen Amen. Wir Bernhard von gotesgenoden herczug czu Oppol vnde czu Fal kenberg vnde herre czu Strelicz etc. Bekennen vffintlichen mit diesim briffe allen die en sehin, boren adir lesin, Das vor vns komen ist die Erbar frawe Zyguna etczwan Hannos vnsers Rzandczen von Dobrodzen tachter, vmbetwungen noch vorleitet, sunder mit guttem vorgehabtem Rote irer frunde. vnde bekante Das sie Recht vnde redelichen vorkowft bat das gut Jezowa genant gelegen in vnserm Lublinischem gebitte Dem woltuchtigen Janen Strol von Pawonkow, vnserm üben getrawen, seynen geerbin, elichen nochkomelingen vnde nesten, vor sebinczig marg grosschen Behemischer moncze Polnischer czal, in aller der mosse als das obgenante gut Ir vater vnd sie noch ires vatern tot gehabt gehaldenhod vnde besessin noch awsweisunge eris briffis, den sie vff das obgenante gut em geantwort hat, Mit alleu vnde iczlichen czugehorungen, genissen vnde furstenlichen obirsten rechten, mit gebawern, Czinsen, Ackern gearn vnde vngearn, mit graze vnde grazewachs, mit heyden, welden, posschen, Rutecht vnde gestrutecht, vnde mit allen vnde iczlichen andern czuge horungen vnde genissen, wie die mit eren sunderlichen namen genant seyn vnde genant mochten werden, cleyn vnde gros, fil vnde wenig, gleich ap iczlichs mit seynem namen hie sunderlichen benant vnde beschriben stunde Als dasselbe gut in seynen greniczen vnde enden awsgesaczt ist, vmbefangen vnde gelegen, In aller der mosse vnd mit den Rechten Als sie is selbir gehabt hod vnde gehalden, keynes awsgenommen, Mit dem selbigen gutte czutun vnd czulossen vnde seynen czugehorungen, czuuorkowfen vnde czuuorsetczen vnd an seynen vnde seyner elichen nochkomelingen vnde nesten nucz vnde fromen czuwenden das beste er wirt mogen vnde können, Erplich vnde ewiglichen czubesitczen, von vns, vnsern nochkomen herczugen vngehindert, yd och vnserm furstenlichem dinste vnschedelichen Nemplichen das er, seyne geerben vnde nesten, vns dienen sullen von dem vorgeschreben gutte vff eynem pferde von dreyen marken gleich andern vnsern lantlewten. Mit Vrkunde desis briffis Bestetigit, eyngeweist vnde vorsegilt mit vnserm furstenlichen angehangenden Ingesigel. Gegeben czu Strelicz am Montage des heiligenCrewczes tag in derCrewcz wachen noch Cristi geburd firczehenhundert vnd in dem fir vnd dreysigistem Jore. Dobey gewest seyn vnser üben getrawen Pelka von Skorkow vnser Marschalk, Schymke von Radow, RzantczavonRosemberge, Paschke Granofsky, Bernhard von Skorkow, SegemuntCrampsky, Micosch Bies vnde Gregor Podkomorze vnser schreiber, dem diesir briff befolen wart czu schreiben.

Siegel wie in No. 87, aber in rothem Wachs, an grüner Seide.

_120_