Jk Eric Ghisen Radman to Luneborg Bekenne openbare in dissem breue vor. allesweme, bat ik vor anderhalfhundcrt mark pennige alse to Luneborg genge vnde geue sint, vnd de ik wol to der noghe entfangen vnd vppebored hcbbe, mit vulbord myner eruen vorkoft vnd latcn hcbbe vorkope vnd late fosulues in craft disfes breues der geistliken Juncfrowen Metteken Hoppeners Closter vrouwen to Walsrode, edder dem holdere disses breues mit erem willen, cyn half voder Soltes vte vorbate vnd boningen mynes derben deles der herscop in dem huse to Butsinge vppe der zulten to Luneborg vnd is de wechpanne to der vorderen Hand, to allen vloden na menem lope der Sultcn tobetalende Wan auer my edder dem besittere des vorbenomeden derdendeles dat bequeme is. So möge wy bat vorscr7 halue voder Soltes wedderkopen vnd vtlosen vor anderhalfhundert mark der vorbenomeden pennige, dest wy dat der erbenomeden Metteken edder dem holdere disses breues mit erem willen eyn verdendel Jarcs touoren vorkundigen vnd witlik dön, vnd geuen en denne ere vorbenomeden anderhalfhundert mark mit den bedageden vnd nastendigen vloden in enem Summen disses to bekantnisse hebbe ik myn Jngesegel gehenged an dissen bref Vnd wy Hermen Cruse vnd Johcm van der Molen Radmanne to Luneborg betugen openbare in dissem sulucn breue dat wy vmme bebe willen Hern Erikcs vorbenomcd vnse Jn gesegele in tuchnisse aller vorscreuenen stucke mede gehenged hebbet an dissen bref Gheuen na godesbort verteynhundert Jar darna in deme eyn vnd dertigesten Jare in suntc Blasius dage des Hilgen Biscoppes vnd Mertelers.

Rundes Siegel de« Erich Ghise in rothem Wachse, einen männlichen Kopf im Herzschilde darstellend. Vom zweiten Siegel ein kleiner Rest. DaS dritte ist abgefallen.