(Abgedruckt im Hodenbcrger Urkundenbuche, 1863, Urk. 221.)

Wij her Roleff van Sulde prouest vor Grete van hodenberge priorne vnde ganstze vorsamlinge des Stichtes to Walsrode bekennen vnde bctugen openbar myd dessem vnsem vorsegclden breue vor vns vnde vnse nakomelinge vnde vor alsweme dat wy myd guden willen Hebben vulmechtich gemaket vnde vulmechtich maken myd dessem suluen vorsegelden breue vnsen werd den vorsichtigen olrike volkmerade borgerc to brunswick also danne twe vorsegelden breue sprekende vpp Sestich vnde hundert gülden rinsche de de hochgeborne dorluchtige forste vnde here hertoge Wilhelm de Elder to brunswick vnde luneborch hertoge vnse gnedige leue here vns vorsegelt hefft vnde sodane vorg." summen vns vnde vnsen Sticht« schuldich Ys dat olrick alsodannen summen nae lüde der breue vulmechtich mach vnde schal manen to vnses Stichtes beste quitancicn geuen vnde sulken summen vpp boren vor mcren offte vor mynneren so wes hee vnsen Stichte tom besten dar anne deyt vnde maket Ys myd vnsem guden willen vnde vulborde to erkunde hebbe wij vnse Jngesegell vppet spatium dusses breues heten drucken Datum anno domini M cccclzx octauo am mandage negest na pinrsten.

Länglich-rundes Siegel aufgcdruckr.

zu Walsrode. Urk. 292 —29S, 1475— 148«.