(Nach dem Coplar.)

Jk Johan slepegrelle ortghises sone vnde Johan slepegrelle gherdes. sone knapen bekennet open» bare in desscm breue dat wij vnde vnfe eruen schuldich sind rechter schult kersten spoete Aleken siner echten husurouwen vnde cren eruen vnde deine gbennen de dessen breff hcfft ane ere wedersprake twolff mark Luneborger Pen7 dar hebbe wij Jum vore settet vnsen mcygerhoff to stellege dar ichteswanne hadde vp ghewonet stelghermann myd alleme rechte vnde aller tobehoringe vnde myd aller flachten nud bcyde buten vnde bynnen vnde den molendik half vnde also en Stelghermann bezeten hefft Vnde wij willet vnde schullet Jum desses vorschreuen Hoves eyn recht warende wezen wur vnde wanne Jum des nod is vnde van vns ghe eschet wert were ok dat wij des houes sulues brukende Wesen Molden so möge wij Jum de loze kundigen In den twolff nachten to wynachten Dar na to deme negesten tho kamenden sunte peters dage to deme stole schulle wij Jum ere benomeden pen7 weder gheuen vnbeworen de fuluen gnade moget se ok Hebben wan fe ere ghelt weder Hebben willet Ok schullet ze des houes dar na brukende Wesen vnde besitten also lange wente Jum ere pen7 ghegeuen sind de lesten pcn7 myd deme ersten Alle desse vorscreuen stucke loue wij Jum in guden truwen stcde vnde vast to boldende ane yengherleye argelist Vnde hebbet des to tuge vnse Jng7 vor vns vnde vor vnse eruen gehenget an dessen breff' Ok bekenne ik Arnd Johan Aluerikes sone vnde Aluerik Arndes sone alle geheten slepe» grellen dat alle desse vorschreuen stucke sind gescheen myd vnser aller willen vnde Hebben des to tuge vnse Jngesegel vor vns vnde vor vnse eruen witliken myd gudeme willen gehenget an dessen breff Na godes bort dusent vnde drehundert Jar In deme twe vnde neghentigesten Jare In der Hilgen Junch» vrouwen dage sunte katerincn.