Wy Bartold vann godeß gnaden Bisschop to Hildensem vnde Administrator der kerckcn to Verdenn, Bekennen vnde betugen openbare in dussem vnsem openen breüe vor vns vnse nakomelinge vnde vor alßweme, Dat wij Hebben geseen vnde leßen Hort, eynen vorsegelden breff, myt Velen Inge» segelen vorsegclt van den van owmünde, spreckende vppe bat dorp to Suderwalßede, Dat de van owmunde, deme proueste vnde Closter to Walßrode vor sick vnde vre erüen rechtligen vnde redeliken vorkofft Hebben to ewigem eruekope, vthbeschedcn eynen hoff darsulues, behorende dem kerckheren vnde der kercken to sunte iohanse to Verden, dar vp ok de genante prouest pryoren vnd de samclinge des Closters to

zu Walsrode. Urk. »27 — 33«, 1492— 1494. 22 l

Walßrode dat genante dorp Suderwalßede vthbescheden den genanten eynen hoff, synt der tijd vnde menich iare in roweliker were vnde besittinge gehst Hebben, vnde noch Hebben, Vnde vnse vorfaren Bisschopp to Verden vore vnde wij na one des so bestendich gewesen vnde noch bestendich sin, wol dat genante dorp lange iare weste gelegen vnde nü by vnsen tijden weder gebuwet vnd beseth wert, Hebben ock vp de vorgerorden vre vorßegelden breüe, Vnde vre langhen voreyareden roweliken besittinge, Deme genanten proueste pryorende vnde Samelinge des Clusters to Walßrode rechteßwijße in hegedem gerichte in bywesende veler der vnsere, dat vorgenante ganße dorp to Suderwalßede myt aller rechtichcyt vnde tobehoringe, vthbescheden den hoff der kercken to sünte iohanse vorgerort na esschynge vnde vorhoringe, des kerckheren vnde kercksworen to sunte iohanse, vnd orere rechticheyt genßligen togerichtet to ewigen tijden des vort to gebrukende, Vnde dem kerckheren vnde der kercken to sunte iohanse den genanten synen hoff togerichtet, Vnde vppe de anderen Hove vnde dat ganße dorp dem kerckheren cyn ewych swyghent geboden. Des wij deine genanten proueste vnde Closter so toftan. Vnde bekennich sin, Vnde willen se dare truweliken by laten vnde beholden, Vnde gelick anderen vnsen vndersaten se vnde vre meygere in dem genanten dorpe Suderwalßede to rechte vorbidden vnde beschütten nach alle vnseme vormogene Deßgelick schüllen vnde willen wij one vre molen to nyenkercken Vnde den molre darsulucs vorbidden vnde vordegedingen, Vnde vnsen vndersaten gemenen we dare wil tore molen vharen he des vrij sij, Vnde willen dat nicht vorbeden, Dat wij so allent bekennen reden vnde louen vor vns vnde vnse nakomende Bisschoppe to Verden«, Vnde Hebben des to bekantnisse vnse Jngesegell hengen laten an dessen breff, de gegeuen is to Rodemborch Ame Iare na godeß bort Dusent vere Hundert Dre vnde Neghentich ame achteden dage assumptionis Marie virginis gloriose.

Kroße« rundes Siegel des Bischofs Bcithold in rothem Wachse,