(Bergt, die Urk. vom l«, und 17, November 14V0. 23. Juni 148« Note I. — Angezeigt im Hodenbcrger Nrkundcnbuche, !858, Urk. 25Z.)

Wy her Cord Specht vnde Diderik van Aclden Betugen in dussem breffe vor alhwcme bat vns de wirdige hcre Ernestus van hademstorpe nu tore tijd prouest to Walsrode klagende berichtet hefft wu he gewernet sy dorch gude stunde bat her Bernd van Zulde Hern Rolefes van Zulde wandages vrouests to Walsrode liflike broder ime closter to locken begcuen hebbe etlike breffe svnem broder vorsegelt van dem closter Walsrode vppe seuenhundert rinsche gülden sprekende vnde de in vorsate sy vptotehnde eddcr eynem andern vptolatende de zodan summen goldes ermanen mochte Vnde sy des gantz erstrecket vnde

zu Walsrode. Urk. 321 — 324, 149« —1491.

is vor bat closter gegan vnde hefft geftaget de priorinne vnde de eldesten Juncfroüwen esst ene van Zodanen vorsegelden breffen wes witlik were spreken vnde jeden se alle by erem orden vnde noch hogere se dar nicht äff wüsten sunder scholde dar we weten dat moste de werdige Juncfrouwe Margareta von Hudenberge weten de by Hern Rolefs tijdcn priorinne is gewest darup he twe instrumenta hefft vnde dar by de dat hören scholden twe notarios vnde den Rad to Walsrode to tugen genomen Darna hefft he sik gefoget na ebbekstorp dar de genante Juncfrouwe nu tore tijd ime closter is vnde eynem notarium vnde tugen mit sik genomen vnde se gefraget esst er van dusscn breffen wes witlik were do sede se by dem strengen richte goddes vnde by sunte Benedicts orden dat se dar nicht äff wüste Men do her Roleff van Zulde van Walsrode gekomen was hedde he eyns eyncn breff gescreven an de ganße Samme» linge to Walsrode vnde ene darinne gedanket dat se so wol by eme gedan hedden, vnde ene mid veer- hundert gülden van dem Bischoppe to Minden geloset vnde eme noch dar to alle iar to gesecht de tijd synes levends seventich mark luneborger wcringe, vnde scholden io des denken dat se eme hedden togesechr noch seuen hundert gülden, anders wüste se nicht mer dar van vnde darup ok cyn Instrument maken laten So id denne in vortijden gescheen is dat her Roleff van Zulde vmme tosagen des Bisschopps to Minden der herschop to Brunswig vnde luneborg vnde des Rades to lüneborg venkliken to Minden van Walsrode geforet wart vnde ene dat closter Walsrode mit veerhundert gülden wedder geloset hefft Vnde gaff sik dar na van dem closter So hefft em dat closter de tijd synes levendes alle iar noch dar cnboüen seuentich mark luneborger weringc wol tore noge gegeucn vnde betalt Vnde dar mede scholde alle to zage vnde vnwille vnder ander gesletten Wesen von dem alles, secht de genante her ernst he ok wal erfare» hedde do men em syn gud scholde na schigken dat dar mangt dre vorsegelde Kresse vnde doch nicht dar in gescreu«n gefunden weren vnde befruchtede sik de breff den her Bernd vorgenant deckte vpto thende van sulken breffen mochte gcmaket Wesen Vnde biddet vns fruntliken nack dem to den tijden Wij her Cord specht prouest to Walsrode Diderik van aelden Hoüetmann vppe retbem gewest syn vnde van wegen der herschop vnde Rades vorgescreüen do men dem genanten Hern Rolefe scholde syn gerede na schigken dar by to synde gefettet worden vnde vns de dinge bewust weren Wij Molden eme wes do gesehen were vnde gefunden vnde sundergen van dussen breffen de men Membranen nomet dem closter to gude de warheit vormelden Vnde begert wij eme mochten vppe dat dat closter vor zodane vorsatinge bewart worde des eynen vorsegelden breff geuen So denne de werdige her Ernst van Hademstorpe vns so g.ewant is dat wij em de warheit des geschichts gerne betugen vnde vnde («e) seggen willen vnde darouer na synem begere eynen besegelden breff geuen Bekennen wij opembar in dussem breffe vor alßweme dat wij worden van den gemelten Hern vnde rade geschicket by her Roleffs van Zulde gud vnde is leyder in der warheit dat wij dar mangt dre breffe vünden de versegelt weren vnde doch nichtes darinne gescreuen was de men Membranen nomet vnde Hebben se in vnsen henden gehat Auer wer de breff den her Bernd van Zulde edder andcrswe syner wegen to andende gedenket vnde vp to tehnde van Zodaner Membranen gemakct is weten wij nicht Vnde des to bekantnisse Hebben wij vnse Jngesegell witliken an dussen breff gehangen De gegeuen is na goddes gebort veertein hundert iar dar na in deme eyn vnde negentigesten Jare ame dage Vnser leuen frouwen dage to lichtmisscn.

Runde Siegel deö Konrad Specht in rothem Wachse, mit einem Spechte im Herzschilde, und dcS Diederich von Ahlden in grünem Wachse.