Ick Jasper van Aeldenn knape Bekenne vnde betughe apenbare vor my vnde mynen Eruen ghebaren vnde vnghebaren vnde vor alssweme dat ick byn schuldich rechter witliker schult deine Clostere to Walsrode twintich rinsche gülden Dar ick ene vorsette to encn vnderpande mynen dcl den ick hebbe in dem haue to Hilderdinghe Dar nü toer tyd Lutcke Hilderdinghe vppe wanet Dar se alle iar schollen vth hebben euen rinschen gülden vppe sünte Dyonisius dach, Vnde efte ene ghcbreck cfte indracht scheghe in dessem vorbenomeden haue so dat de gülden iarlikes nicht vthen qücme so schollen se sodanen gülden renthe vnde wat dar van na stände were mit den twintich güldenen hoüetstoles socken an mynen redesten guderen wür ick de hebbe Auerst wener ick Jasper van Aeldenn efte myne Eruen vnsen del an dessem vpghenomeden haue willen wedder kopen so hebbe ick vns de gnade beholden dat wy dat moghen don wen wy willen vnder sodanen beschede dat wy der pryorent des erghemelten closters de lose schollen kundighen in den ver hilghen daghen to winachten Vnde den in dem neghesten paschen de honet summe ghensliken vthgeuen mit der na standen renthe were dar genich hinder anne gheschen Dest alle laue ick Jasper van Alden vor my vnde myne Eruen stcde vast vnde vnvorbraken to holdende Vnde desses to merer bekantenisse der warheit hebbe ick myn rechte inghescghel henghct ncddcne an dessen breff Vnde ick Diderick van Aldcnn knape Bekenne vnde betughe ock apenbare vor my vnde mine Eruen vnde alss weme dat ick mede to ghelaten vnde vulbordet hebbe minen veddercn Jasper van Alden de vorsettinghe sines deles in dem haue to Hilderdinghe so hir vor is ghescrcuen Vnde to wisser betüchnisse dat dat dit is gheschen mit mynem wetende vnde willen so hebbe ick ock myn rechte ingheseghel mede henghet an

zu Walsrode. Urk. 349 — 353, 1504 —1509. 237

dessen breff Dede geuen is na der bort Christi dusent viff hundert sesse in dem daghe der bekeringe sunte pauwels.

Zwei Siegel, des Jaspar und Diedrich von Ahlden, in grünem Wachse.