(Angezeigt im Hodenbcrger Nrkundcnbuche. 1858. Nrk, 322.)

Wy Cordt Gogreue, Reinecke, Heltbarges Borgermesters, Hans Vedders, Rathmann, Vnde Henning! Gogreue Olderlude vnde vorstender Vnßer leuen frouwen, des Roßenkrantzes, Vnde erste Misße der Kerken tho Walßrode Bekennen vnde betugen, openbaer vor vns vnße nakomelung vnde susth vor alsweme, Dath Wy van der Erbarenn Margareten« zeligen Warner van Hudenbarge nagelaten Wedewen In orem lcuendc Seucnvndetwintigh gülden entfangen Hebben, Vnde dar nha van den Werdigen Erbaren Vnde Dogethsamen Herrn Johanne Wichmanne Prouest tho Walßrode Pcllekenn zeligen Heren Roleffes van Hudenberghe Ritters Vnde Dorotheen Jürgen van der Wenße zeligen nagelaten wedewen noch dortein guldenn ahn redhem golde entfangen hebbenn Szo dat de Summa is Vertig gülden ahn zudem golde Dar vore Wy vns vnde vnße nakomelung Vorstender der ergenanten broderschop vns vorplichteth Hebben vnnd vorplichtenn Jegenwardigen, alle Jar, vppe d,en Mandag nha Simonis et Jude der hilligen apostell ein Grawlaken armen ludhen In der kerkenn tho Walßrode dar vor to geuende ßo der laken by der- suluen Brodersschupp von anderen fromen ludhen mehr gemaketh vnde furdereth syn. Vorplichtenn vns ock Jegenwardighenn In krafft dusses brcues, dar wy offte vnße nakomelunge In dusßem lakenn to geuende, (dat godt affwende) sumich wurden Vnde wy offte Vnße nakomeling vorstender, dar van enen Proueste offte Samlingk des Closters tho Walßrode vppe gewerneth wurden Vnde noch vor dhan dath lakenn nicht geuen, dat wy denne vth den redesten gudheren der Broderschupp des Roßenkrantzes vnser leuen frouwcnn Vnde ersthe Misßen tho Walßrode cnßodan Vertig golden gülden ßunder vorsumenisße Vnde vortoch dem proueste vnde Samlung tho deme gebuwete des Closters tho Walßrode willen ßunder Jenninge Jnßage wedder geuen. Des tho meher tuchnisße der warheith Hebben wy vorgenanten Older« lüde vnde vorstender der ersten Misßen lho Walßrode vnße Jngeßegell benedden ahn dussen Breff dhon hangen De geuen Is, nha der borth Christi vnses Heren Voffteinhunderth dar nha In deme viffvnde« twintigcsten Jare ahm dage Dionisii.

DaS runde Siegel der Vorsteher der Brüderschaft des Rosenkranzes z» Walsrode zeigt eine Madonna mit dem ChristiiSkinde.

26« Urkundenbuch des Klosters St. Johannis