(Nach dem Eopwr,)

Jk Arnold slepegrelle knape sone Hern Aluerikes slepegrellen eynes ridders de ichteswanne was Bekenne an dessemc brcue besegelt myd mynen Jng" bat ik myd willen al myner eruen de nv sind vnde noch werden moget Hebbe vorkoft ortgyse van alden sinen eruen vern Alheyde siner echten hus- urouwen vnde dem de dessen breff hefft myd sinem willen eyn stucke lande« van mynem houe to birde de nv woste is vnde ichteswanne bnwet hadde eyn de het henneke husleman to enem rechten kope to erue to besittende vor ene bremer mark de my beret is vnde gheyt van der bomen an wente an roders stucke slepegrellen mynes vedderen dar dat ichteswanne tohort hadde cer yth dar van ghedelet wart vnde is gelegen bij lande dat nv ok ortghise van alden vorben7 Hort In der jeghene dar de bomen in de alre valt vnde Wille des stuckes ere rechte warend Wesen wanne vnde wor en des to donde is dat lvne ik en an truwen vor my vnde myne eruen de nv sind vnde noch werden moghct stede vnde vast to holdende Vortmer wij Echerd slepegrelle her Johans sone vnde Roder slepegrelle Hern Arndes sone knapen bekennet vnde belüget dat wij ouer desfem kope Wesen Hebbel vnde myd vsem willen vnde vser eruen gheschen is Des to euer betughinge bebbe wij vnse Jng.' vor vs vnde vse eruen an dessen breff gehenget Na godes bort drutteynhundert Jar an deme twc vnde sesteghesten Jare An dem Hilgen auende sunte Mertens.