Jk Werner hulsingh Bekenne openbare in dessem breue dat ik vnde myne eruen pachtman sin des Metes vnde stichtes to deme werdere vor Minden van dem meygerhoue tho konerdinge dar nv uppe wonet dethmcr ghogreue vnde hebbet den suluen hoff myd synen tobehoringen vorkofft deme clostere to Walsrode vnde ze ghewiset myd der Pacht an yn dat closter to Pachtlude an dessem Hove to entfangende vnde to Pacht an deme Hove alse wij den gehad hebbet Is eyn halff bremer verdingh dat sin nv X Witte Pen." Jk vnde myne eruen vorlatct den hoff Alse wij van rechre schullet myd allere beschedenheit Also sick dat to rechte boren mach Gheuen na godes bort verteynhundert Jar dar na In deme twolfften Jare vor vnser vrouwen dage lechtmissen vnde hebbe des to bekantnisse vor my vnde myne eruen myn Inges.' an dessen breff gehenget.