Wir bruder Peter, der abt vnd der convent von Otterburg, grawes ordens Mentzer byschdums, veriehen vffenliche an dy- sem brieve, daz wir Heinzeln Dymare vnde Annen sines eli- chen frauwen vnd linen erben lihen vnd han geluhen recht vnd redeliche zu ei me rechten erbe ewiclich zu besitzene diz gut,

400

daz bernach geschrieben stet vnde gelegen ist in der marken zu Huchelnheim, vmme zwenzig malter eviges korngeltes Wor- meiszer maze, die sie vns alle iar in vnsern hof zu Worms sollent antworten chussen den zwein vnser frauwen dagen, daz sie zu himmel fur vnd geborn wart, bit irre fure, koste vnd arbeide; also wanne sie die vorgenant gulte vns nit engeben zu deme ziele, alse hie vor geschrieben ist, daz wir daz selbe vnser gut bit iren vnderpanden, die sie darzu legent, vnd her nach geschrieben stent, bit einander mogen of holen ane wider rede ir vnd irre erben. Diz gut sal auch bliben nach irme dode deme aldesten erben gantz vnd vnzuriszen. Diz ist das gut zum ersten in dem obern velde zehen morgen gevore den frauwen von Hochheim; ander werbe zwene morgen, ge vore deme Camerer; ander werbe drittehalp morgen, gevore hern Iohann von Odenkeim ; ander werbe einen halben mor gen, gevore den von Hochheim; ander werbe einen morgen, gevore hern Iacobe Dymar; aber drittenhalben morgen, ge vore deme Kemerere; vnd zwene morgen, gevore den von Hochheim; vnd dri morgen, gevore deme Gelter; vnd einen morgen bi den von Hochheim; vnd ein zweideil, gevore den von Hochheim; vnd drittehalben morgen, gevore hem Men goze, vnd dri morgen, gevore den von Hochheim; vnd zwene morgen, gevore hern Iacobe Dymar ; vnd ein zweiteil, gevore den von Hochheim; vnd aber ein zweideil, gevore den von Hochheim ; vnd zwene morgen, auch bi den von Hochheim; anderwerbe in dem nidern velde sestehalp morge, gevore deme Gelter; vnde einen morgen, gevore deme Kemerer; vnde vonf morgen, gevore den von Hochheim ; vnd ander halben morgen, gevore hern Mengozze; vnde einen morgen, gevore deme Kemerer ; vnd anderhalben morgen, gevore deme Gelter; vnd anderhalben gevore, hern Bernolde; vnd ein zweideil, gevore den von Hochheim ; vnde einen halben mor gen, gevore den von Hochheim; vnd ein zweiteil, bi den von Hochheim; aber zehen morgen, gevore den von Hoch heim; vnde einen morgen, gevore hern Iohanne von Oden keim; vnde anderhalben morgen, gevore hern Mengoze ; vnde einen morgen, gevore hern Iohanne von Odenkeim; vnde einen halben morgen, gevore den von Kirsegarten; vnd dri morgen, gevore hern Iacob Roden; vnde einen halben mor gen hinden of dem graben, vnd ein zweiteil bi hern Ber

401

nolde; anderwerbe drittehalp mannes mat wiesen; vnd ein rude, daz ist anderhalp mannes mad neben dem Gelter; vnde einen mannes mad neben den frauwen von Hochheim; vnd ein rude auch bi den von Hochheim. Herzu legent sie vns zu vnderpande dri morgen ackers neben deme graben. Aller dirre vorgeschrieben dinge zu eime rechten vrkunde vnde gezugnisse henken wir vnser ingesigel an dysen brif. Der wart gegeben, do man zalte von Christes geburthe druzeheuhun- dert iar vnd acht vnd drizig iar, an der nehesten mittewo- chen nach alre heiligen dage.