Ich Iohan von Metzen veriehen mich vnde dun kunt allen den, die dysen brief anesehent oder horent lesen, daz ich han ane gesehen genemen dienst, den mir vnd den minen hat ge- dan Eberhart Werzeburger von Bechtheim, ein edelknecht, fri vnd eigen han gegeben den hern von Otterburg solich lehen, die er von mir biz her hat gehabet, bit namen vonf vnze heller geltes von einer wiesen zu Bockenheim, die die vorgenant hern alleiar gaben deme vorgenant Eberharte zu lehen von minen wegen, vnd drutehalp vnze heller vnde einen kappen von eime huse, daz bi der wiesen ist gelegen. Daz diz war vnde stede sy, des henken ich min ingesigel an disen brief. Der wart ge geben, da man zalte von Godes geburthe druzebenhundert iar in deme nunzehesten iare, an dem dunrestdage nach sancte Iohan dage de Baptisten.