Nos Wernherus de Bolandia. Tenore presentium omnibus, ad quos presens scriptum pervenerit, publice profitemur, quod Brungerus advocatus quondam domini Friderici comitis de Li ningen quinque iugera in Peffingen sita, que a nobis Conradus Kisteln miles de Durenkeim iure tenuit feodali, iusto emptionis titulo sibi ac suis heredibus comparavit. Nos vero ob amorem et fidelitatem predictorum, vendentis scilicet et ementis, pre- dictum Brungerum hereditavimus cum iugeribus predictis sibi- que ac suis heredibus iure proprietatis perpetuo concessimus possidenda, hoc tamen adiecto, ut predictus Conradus Kisteln septem alia iugera in Durenkeim, sita in campo, qui dicitur « zu der Roden Erden », nobis collocet in recompensam pre

171

dictorum iugerum, per que ipse ac sui successores a nobis in- feodati de cetero permanebunt. Huius statuti testes sunt Heil- mannus, Burgravius de Wachenheim, Waltherus Kisteln, Io- hannes de Meckenheim milites, aliique quam plures. In cuius facti evidentiam presentem litteram nostri sigilli munimine feci- mus roborari. Acta sunt hec anno Domini m.cc.lxxxi. in festo assumptionis beate Marie.