246

Iudices Wormat. Ad universorum notitiam volumus per vertire, quod in nostra constitutus presentia Heilmannus de Albichen armiger recognovit et in figura iudicii confessus est publice, se cum religiosis viris . . abbate et conventu mona- sterii in Otterburg contractum iniisse infrascriptum, prout in littera ipsius abbatis continetur, cuius tenor talis est. Nos fra- ter Iohannes dictus . . abbas et conventus monasterii in Otter- burg, ordinis Cysterc. Mogunt. dyecesis. Tenore presentium constare volumus universis, quod dilecto nobis in Christo Heil- manno de Albichen concessimus sive locavimus aream nostram sitam retro horreum et ortum nostrum in oppido Oppinheim, quam comparavimus pro sex marcis, erga oppidanos predicti oppidi Oppinheim; ita sane, ut ipse vel quicumque sibi suc- cesserit in possessione eiusdem aree, annuatim in festo beati Martini decem solidos Hallens. legalium et bonorum nobis census nomine solvere teneatur, tali censu in perpetuum per durante; in quo si ipse vel suus . . successor negligens inve- niretur, ipsa area cum edificiis desuper constructis ad nos re- vertatur pleno iure, contradictione qualibet non obstante. Est nichilominus hoc adiectum, quod idem Heilmannus tempore, quo ipse decesserit, decem libras Hallens. nomine testamenti irrevocabiliter nobis legavit, obligans nobis pro his, quidquid super prescriptam aream fuerit superedificatum vel constructum, nec in hoc aliquis .. successorum suorum nos poterit impedire; et nichilominus census prescriptus in suo vigore in perpetuum perdurabit. In cuius rei testimonium nostrum sigillum presen- tibus est appensum. Datum anno Domini m.ccc.iii. in festo sancti Michahelis. Cui contractui nos . . iudices Wormat. sigil lum curie nostre ad rogatum Heilmanni predicti presentibus duximus apponendum, in testimonium confectionis sue supra- dicte. Actum et datum anno et die predictis.