- [Çonsules universique cives Wormatienses. Notum fieri cu- pimus universis presentium seriem inspecturis, qualiter Petrissa, relicta Wernheri de Flersheim iunioris, nostra concivis, domum suam, quam nunc inhabitat, olim comparatam sua et iam dicti mariti sui pecunia ab heredibus Rudolfi Sermsinden, ecclesie sancte Marie in Ottirburg dedit pro remedio anime sue et con- tulit absolute, et eam in manus domini Walthelmi abbatis ibidem sollempniter resignavit, recipiens eam de manu eiusdem abbatis inhabitandam usque ad terminum vite sue pro annuo censu unius denariate cere in purificatione beate Virginis per- solvende monasterio memorato in signum et recognitionem do- minii de eadem domo ad ipsum spectantis ; hoc adiecto, quod si forte vidue prefate ingruerit manifesta necessitas paupertatis, nisi abbas loci illius sue paupertati occurreret competenter, ipsa eandem domum poterit pro sua necessitate sublevanda ven dere vel etiam obligare. Quo casu non emergente postquam ipsa de hac vita migraverit,.. abbas et conventus supradicte ecclesie, datis quinque libris Hallens. monialibus in Franken- dal, et quinque libris Hallens. monialibus in Ramosa, sepedic- tam domum in suam plenariam recipient potestatem, ab ipsis et eorum successoribus iure perpetuo possidendam.

Testes sunt: David et Wolframus milites, Conradus Dy- rolfi, Heinricus Richeri nunc magister civium, Conradus Vosse- linus, Eberhardus de vico Lane, Heinricus Cipura, H. Holt- mund, et Conradus de Arbore Rosarum consules, Wernherus retro monetam, Edelwinus, Heinricus Iudeus, Iohannes Richeri et Iohannes Vosselinus nostri concives, et alii quam plures.

Nos igitur in testimonium ac memoriam premissorum pre- sens scriptum tam domini Walthelmi abbatis quam Petrisse vidue memorate precibus communi civitatis nostre sigillo feci- mus communiri. Actum anno Domini m. cc. xlix. in quinta feria post festum Nycolai episcopi et confessoris.