Urkundenbuch des Klosters Otterberg in der Rheinpfalz, Nr. 106, S. 91
Urkundenbuch des Klosters Otterberg in der Rheinpfalz, Nr. 106, S. 91
Nos Dei gratia frater Trabodo prepositus et frater Heinricus plebanus in Flanheim. Tenore presentium veritati testimonium perhibemus, cupientes constare universis presentibus et futuris has litteras inspecturis, quod veuerabiles et dilecti in Christo fratres dominus Walthelmus abbas et conventus de Otterburg, ordinis Cysterc., Mogunt. dyecesis, bona singula tam in agris quam in vineis, tam in pratis quam in ortis, nec non in domi- bus et universis prediis, que simul cum domino Hugone milite de Flanheim communia habuerunt, tali conditione in nostra presentia et aliorum multorum, qui tunc temporis in Flanheim convenerant, diviserunt, ut videlicet predicto Hugoni militi omnia bona sua, que ecclesie de Otterburg contulerat, libere et absolute iure proprietatis perpetuo remanerent; ita videlicet, quod conventus de Otterburg pro eisdem bonis in iam dictum militem nullam haberet de cetero actionem. Preterea sepedictus miles Hugo in nostra presentia et testium subscriptorum in Flanheim omnia bona, que in pensione habuit ab ecclesia de Otterburg, in manus domini Heinrici Cellensis, qui tunc vicem gessit abbatis et conventus ecclesie de Otterburg, publice re- signavit, ita videlicet quod nec ipse, nec alius de parentela sua umquam de cetero impetitionem seu actionem pro bonis prefatis in monasterium de Otterburg exercerent. Insuper Hugo miles memoratus curiam de parentela suam, que dimidia ad ecclesiam Otterburg pertinebat, eidem ecclesie integraliter contulit et ex toto, ita quod nullus de cetero, ipse vel aliqui de parentela ipsius haberent in eadem curia iurisdictionem. Acta sunt autem hec in Flanheim anno Domini m.cc.liii. , kal. martii. Cujus rei testes sunt hi: Iohannes scultetus de Monasterio, Conradus Aestas, Wackerboldus miles, Volmarus scultetus de Flanheim, Petrus Dydericus faber, Godelboldus Foltzo. Ut autem hec acta perpetuam optineant firmitatem, ego frater Trabodo pre positus in Flanheim ad petitionem prefatorum domini . . abbatis Walthelmi et conventus de Otterburg meo sigillo presentem litteram sigillavi.
Otterbergcr Urkundenbuch.
6
82
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}