372

Noverint universi presentium inspectores, quod nos Her- mannus, dominus de Hoenfels et domina Kunegundis, nostra collateralis legittima, considerantes conditioncm humanam esse labilem ac salutem animarum rebus omnibus fore merito prefe- rendam hinc est, quod saluti animarum nostrarum nostrorum- que progenitorum providere salubriter cupientes, ob earundem animarum nostrarum et progenitorum nostrorum remedium ius patronatus duarum ecclesiarum parochialium et unius cappelle attinentis sitarum in terminis ville Nerstein, Mogunt. dyecesis, cum suis attinentiis et pertinentiis universis, quod ad nos cum suis pertinentiis huiusmodi titulo pertinet feodali, prout illud ad nos pertinet et hactenus pertinuit, de consensu et voluntate gloriosissimi imperatoris domini Ludowici, domini feodi preli- bati, religiosis viris . . abbati et . . conventui monasterii in Ottirburg, ordinis Cysterc. dicte Mogunt. dyecesis, donamus donatione inter vivos et perfecta pro nobis nostrisque heredibus et successoribus universis, et concedimus, et in eosdem trans- ferimus possidendum perpetuo pleno iure, eisque presentibus confirmamus omni iure et modo, quo quoquo modo vel quo melius valere potest nunc et in perpetuum de consuetudine vel de iure: promittentes pro nobis et nostris heredibus, contra donationem, cessionem aut translationem huiusmodi perpetuam non venire per nos et per alios, in iudicio vel extra, verbo vel facto, publice vel occulte, ac eandem ex quacumque causa vel occasione cuiuscumque ingratitudinis revocare, sed ipsam firmam et ratam perpetuis temporibus inviolabiliter observare; dantes domino . . abbati et . . conventui prefatis presentes lit- teras sigillis nostris sigillatas in robur et testimonium super eo. Datum anno Domini m.ccc.xxx. in die beati Viti martyris.