Alexander episcopus, servus servorum Dei. Dilectis filiis abbati et conventui monasterii de Otterburg, Cysterc. ordinis, Mogunt. diecesis, salutem et apostolicam benedictionem. Devo- tionis vestre precibus inclinati presentium vobis auctoritate con- cedimus, ut possessiones et alia bona mobilia et immobilia, que liberas personas fratrum vestrorum, mundi relicta vanitate ad vestrum monasterium convolantium et professionem facientium in eodem, iure successionis vel alio iusto titulo, si remansissent in seculo, contigissent, et ipsi potuissent aliis libere erogare, rebus feodalibus duntaxat exceptis, valeatis petere, recipere ac etiam retinere. Nulli ergo omnino hominum liceat etc. Datum Anagnie, nonis iulii, pontificatus nostri anno vi.