Emicho, Dei gratia episcopus Spirensis. Tenore presentium publice profitemur et ad universorum notitiam deducimus per hec scripta, quod orta olim inter honorabiles in Christo . . abbatem et . . conventum monasterii in Otterburg, ordinis Cy- sterciensis, Moguntine dyecesis ex una parte, et Iohannem de Montfort, dictum de Swarzenberg, militem ex altera, super iure patronatus ecclesie in Santbach, dicte Moguntine dyece sis, materia questionis; iam dictis . . abbate et conventu assen- tientibus, ipsum ius patronatus monasterio suo ab antiquo do- natum esse et fuisse, et utilitatibus ipsius ecclesie incorporatum, ac ipsas donationem et incorporationem esse rite et rationabi- liter confirmatas; prefato milite ex adverso dicente, ius patro natus predictum esse de pertinentiis cuiusdam predii siti in Otterbach, quod quidem predium iure feodi ab ecclesia nostra iamdudum tenuerit et teneret; partes predicte consensu mutuo eorundem et voluntarie ad nos super premissis habuere recur- sum et contente super contentione predicta per nos et coram nobis recipere iustitiam atque finem. Nos visis et auditis in- strumentis, litteris, iuribus et rationibus, que partes hinc inde proponere voluerunt, audita et confirmatione et recognitione Iohannis militis supradicti, quam sponte et voluntarie recogno- vit, visis et examinatis litteris partis adverse, sibi in iure pa tronatus predicto ius nullum competere, nec esse de pertinen tiis predii supradicti, memoratos . . abbatem . . et conventum a sua impetitione et impedimento occasione iuris patronatus predicti absolvimus, et eidem Iohanni suisque successoribus super ipso iure patronatus, quo ad abbatem et conventum pre- dictos et eorum monasterium, silentium imponimus perpetuum in his scriptis. In cuius rei testimonium sigillum nostrum pre- sentibus duximus appendendum. Datum et actum Spire anno Domini m.ccc.xxv., xvi. kal. mensis iunii.

352