Wir die Nune, die vber den lantfrieden an dem Ryne sint gesetzit, veriehen vffinlich vnd dun kunt allen den, die disen brief iemer ansehent oder horint lesin, daz wir den brief, der hie nach geschriben stet, den die erwerdigin wisen lute, dy Syben, die den vorgen. lantfriden fur vns in der stat zu Wor- mez besorgent, den ersamen geistlichen luten, deme . . abbet vnd dem convent des closters von Otterburg gegeben hant, besigelt mit des vorgen lantfrieden ingesigel , gantz vnd ane allen wandel gesehen hant, vnd von worte zu worte mit flize vber lesin hant, vnd stet der brief alsus : Wir die Sybene etc. Der geben ist, do man schrieb vnd zalte von gotz geburte druzehinhundert iare in dem funf vnd drizigesten iare an deme nehesten dinstage nach deme sundage Reminiscere.

Nach dem als wir die vorgeschriben . . Nune, die vber den lantfriden an dem Ryne sint gesetzet, diesen vorgeschriben brief gesehen, vnd von worte zu worte vber lesin han, so sint

421

vor vns kummen zu Spire an deme dienstage vor vnsir frauwen tag assumptionis, alse si zu himmel fur, des iares, do man zalte von Godes geburte dusint iar druhundert iar vnd ein viert- zig iar, offinliche an gerichte der ersame geistlich man, der . . abbet von Otterburg fur sich vnd sin closter vf ein site, vnd der edel man, herre Herman von Hohinfels der vorge schoben, den der vorgen. abbet von Otterburg vor vns zu drin malen geheischin hat nach des Iantfriden reth vnd gewonheit, vnd den der selbe . . abbet do fur vns ansprach, daz er der selbe herre Herman den . . abbet vnd daz closter von Otter burg an dem vorgen irme hove zu Bischovesheim vnd an den gutden, die dar zu horent, aber hindert vnd leidiget in dem Iantfriden mit gewalt vnd wider dem rechten vnd auch wider dem orteile, daz die vorgen. Siben, die fur vnsern ziten den Iantfriden besaszent, dar vber eimudiclichen gesprochin vnd ge ben hant, als an dem vorgeschriben brieve stet geschriben. Dar wider verhorten wir auch des vorgen. hern Hermans ant- wurt vnd widerrede, vnd verhorten vnd sahent auch solich hantfesten vnd brieve, die des vorgen. hern Hermans altfor dern deme . . abbet vnd dem convent von Otterburg vnder iren ingesigel daruber gegeben hant. Und han wir Nune die vorgen. vns dar vber herkant, vnd eimudiclichen vnd vnge- zweiet dar vber gesprochin, vnd sprechen zu eime rechten vr- teile an diesem geginwortigen brieve, daz daz vorgen. vrteil, daz die vorgen. Syben, die fur vns daz lantgerichte besazent, dar vber gesprochin hant, als an dem vorgeschriben brieve ist geschriben, kreftig vnd mehtig ewicliche solle sin, vnd daz daz ouch der vorgen. her Herman vnd alle sine erben vnd nach- kummen vnverbrochinlichin sollent halten; vnd hant auch ge sprochen vnd sprechin zu deme rehten, daz der vorgen. herre Herman vnd alle sin erben vnd nachkummen an dem hove noch in deme hove zu Bischovesheim, vnd an allen den gut den, die darzu gehorint, keynerlei recht, friheit, noch gewon heit habent, noch haben sollent, nu oder hernach mit her- berge, mit furen, mit atzungin, mit sture, mit heischunge, mit wagiflferten oder diekeireleie dienest oder sachin, wie man die genennen mag; daz wir allez deme vorgen. hern Herman, sin erben vnd sin nachkommen nach der vorgeschriben kuntschaft, die wir dar vber gehoret haben, abegesprochin vnd verteilet haben mit rechtem vrteile an diseme geginwortigin brieve. Unde

422

aller dirre vogeschriben dinge zu eime waren vrkunde vnd einre ewigin stedikeit han wir die vorgenanten Nune des lant- friden ingesigel gehenkeit an disen brief. Der wart geben zu Spire, do man zalte von Godes geburte dusent iar dreihundert iar vnd eins vnd viertzig iar, an deme dienstage vor vnserre frauwen dag assumptionis, als sie zu hiemel fur.