Officialis domini.. prepositi maioris ecclesie Spirensis. Te- nore presentium constare volumus universis, quod constituti in nostra presentia Emercho Pincerna de Elbestein cum filio suo Emerchone, fide data loco iuramenti, tam pro se quam pro suis heredibus se firmiter et publice obligarunt, quod religiosis viris.. abbati et conventui de Otterburg, ordinis Cysterc. Mo- gunt. dyecesis, indulgeant ac plenam potestatem tribuant, quod animalia ipsorum cuiuscunque generis seu etatis in querendis pascuis, aquis, glandibus et nemoribus iuxta Elbestein ac cir- cumquaque per totam dominii ipsorum iurisdictionem liberam et quietam in perpetuum habeant evagationem, quemadmodum in littera patris ipsius. Pincerne prescripti expressius continetur, ita sane, quod si in posterum ipse vel sui heredes talem evaga tionem ac libertatem impedierint vel impediri procuraverint, ipso facto ex tunc sententiam excommunicationis in ipsos cita- tione remota feremus, non obstante si ad aliam dyecesim se transtulerint, eo quod coram nobis ad talem sententiam se pub lice ac voluntarie obligarunt. Pro filio autem suo, Wernhero nomine, eo quod ad presens in terminis nequeat vinciri, idem - Pincerna Emercho fideliter promisit, quod post reditum suum infra unum mensem omnia ac singula prescripta eodem modo procuret ac ordinet confirman. In cuius rei testimonium ac robur inviolabile sigillum nostre auctoritatis presentibus est ap- pensum. Datum anno Domini m.ccc.ii. in festo beate Kathe rine virginis.