Wir Albrecht von Erlenkeim, amptman zu Altzey, vnd herr Gerhart Rattan, ritter, dun kont allen den, die dysen brief anesehent oder horent lesen, daz of den dag, daz was an sancte Clemens dage, daz ich Gerhart Rattan vorgenannt, ein ritter, was zu Altzei of dem Steine, von vnsers herren wegen hertzoge Ruprechtes, daz die herren von Otterburg vor vns quamen, vmme sache vnd zweiunge thussen ien vnd den schef- fen von Rorbach vmme ir welde vnd vmme solich recht vnde friheit, die sie zu den welden hant, vnde also sie sie kauften, vnde brahten des ir gudte besigelte brieve, die sie noch hant, vnd wollent der geniesen, also mügelich vnd recht ist; vnd eigeten die vor vns vnd dageten, daz die scheffen zu Rorbach sie an irme rechten wolden hindern, das sie nach iren brieven nit wolden sprechen, vmme allez daz recht, daz die vorge

389

nannte heren an den welden hetten, die sie kauften, vnd an iren brieven beschrieben ist : danne sie wolden sprechen nach ier gewonde. Des baden vns die vorgenannte heren von Ot terburg, sit daz manig iunker vnd knecht dienstman vnd borg- man do weren, daz wir sie beden von ieren wegen, obe der scheffen kuntschaft solde vber die brieve gen, vnd ir gewonde, ober die brieve vber ir gewonde vnde kuntschaft: des wisse- ten die iunker, borgmane, dienstmane, daz die brieve solden vorgan vnd macht han; vnde waz der vil die hernach ge schrieben stent, die darüber sprachen, vnde wisseten, daz die brieve vber der scheffen kontschaft solden gen vnde ir ge wonde, vnd daz die scheffen nach den brieven sprechen sol- ten, vnd derften daz of iren eit. Ioh. Camerer von Waldec ken , hr. Wigant vnd her Ruprecht von Buches, her Rudolf von Sassenhusen, hr. Emrich von Drechtingeshusen, her Gerg Truscheize. her Peter von Geyspilsheim, her Heppel von Houcheim, her Sybode, hr. Emerich vnde her Herman Mon- keshorn, gebrüder, her Rost, her Dietze von Wachenheim, her Stephan von Oppelnsheim, her Iohannn von Udenheim, her Georie Peltener, Bertram von Bleichinbog vnd andere vil rittere vnde knechte, die der herzogen borgmanne waren, vnde man, die darzu zu gezuge gerufen worden, daz sie es horten sprechen vnd deilen, daz dis vor vns geschehen sy vnd gedeilet, vnd is horten vnde sahen. Des henken wir vnsere ingesigele an dysen brief zu eime gezugnisse aller dirre vor worte. Dirre brief ist gegeben nach Christes geburthe druzehen- hundert iar, vnd zwei vnd drizig iar, an sancte Clemens dage.