Wir der grave Friderich von Liningen vnd Walrave, der grave von Zweinbrucken, dun kont allen den, die disen brief sehent oder horent lesen, daz wir kwamen by Lutern of einen dag; do legete vns vor der ruhgrave Georie, der lantfaut des kuniges in Spiregau, eynerley zweiunge thussen den von Otterburg vnd den von Lutern, die ime der kunig hatte be- volhen zu ervarne vnd nach rechte zu rechtene. Des hat er sich ervaren von beden siten kuntschaft, vnde hat die an zwene brieve geschrieben, vnde bat vnd belut vns von des kuniges wegen, daz wir in wise mechten, welche kontschaft die beste vnder den zwein were. Des namen wir zu vus grave Heinrich von Spanheim, grave Conrad vnde grave Heinrich die ruhgra- ven, hern Heinrichen von Hohenfels, hern Heinrich von Hoen

265

ecken, hern Iohann vnde Syfriden von sante Elben, hern Sygeln von dem Tome, hern Syfriden von Lewenstein, hern Eberhar ten von Randecken, hern Merboden von Bylenstein, hern Mer- boden von Breydenborn, Syfrid Daviden, die do alle sint ritter unde burgmanne des kuniges zu Lutern ; den iungen Syfriden von saute Elben, vnde lacoben, hern Numpen von Zwein- brucken, hern Eckebrechten von Durenkeim, hern Gerharten von Warnsberg, hern Syboden den Gauwere, hern Reinharten von Honecken, hern Wilhelmen von Randecken, hern Petern von Scharfenberg, hern Iohannen von Wielenstein, hern Gerhart Pikart, hern Syboden Monxhorn, hern Bechtolfen von Flan- born, hern Emerichen Kemerere, hern Wilhelmen an der Por ten. Dyse hern vnde ritter alle vnd auch den ringraven, und daden vns die zweierlei kuntschaft an den zwein brieven wole vorlesen, vnd darnach sprachen wir of vusen eit alle bit einem munde, daz der von Otterburg kuntschaft verre bezzer were vnde si gerechter dan der von Lutern an der sachen, do sie zweiunge vmme hant vmme die wege vnd daz diz war sy, da- rumme so han wir vor vns vnde vor dise vorgeschrieben hern alle vnd ritter dorch ir aller bede vnser zweier ingesigele ge henket an dysen brief, vnde geschah daz nach godes geburthe dusent iar, druhundert iar vude vonf iar, an sante Cyriacus dage.