Grave Albrecht von Lauwenstein sime lieben getruwen borg ritter, hern Helfriche Walt von Bolanden, waz er mag vorder- nisses vnd eren; Wizzent, daz wir han gefriet den hern von Otterburg iren hof vnd allez daz gut oder gulte, wie sie ge nant sin, die sie ietzent han in deme dorfe zu Albisheim vnd sime gemerke. Darumme so bidden wir vch, daz ir wollent hervaren, obe sie gnuge vestekeit vor vns vnd vnsern erben ewiclichen haben bit vnsern brieven, die wir ien han daruber gegeben: hant sie des nit, so han wir ien globet zu gewinnen alle die vestekeit, die ir sprechent. Dar nach so biden wir vch, daz ir wollent kunden daz selbe den scholtheizen vnd den scheffen zu Albisheim von vnsern wegen.