Fridericus comes de Lyningen. Tenore presentium constare volumus xmiversis tam presentibus quam futuris, quod Otto de Bolandia et Loredda sua collateralis in nostra presentia consti- tuti recognoverunt, quod omnem utilitatem et ius medietatis decime maioris et minoris, excepta decima vini, quod in villa Albisheim, Mogunt. dyecesis, nomine feodi obtinebant, vendi- derunt pro septingentis et viginti libris Hallens. religiosis viris . . abbati et conventui monasterii de Otterburg, ordinis Cysterc. Mogunt. dyecesis, et in eos transtulerunt simpliciter et de plano : nosque ad instantiam et preces Ottonis et Loredde pre- dictorum venditioni prenotate et translationi nostrum consensum plenarium adhibemus, transferentes omnem utilitatem nostram et ius quo ad dictam decimam totaliter in prenotatos . . abba tem et conventum monasterii de Otterburg perpetuo possiden- dam; et volumus ipsam translationem vallatam esse perpetua firmitate. Profitemur etiam publice per presentes, quod per

291

predictas venditionem et translationem utilitati seu iuri nostro ac successorum nostrorum nullum est preiudicium vel dispen- dium generatum, eo quod in recompensam et in restauratio- nem predicti feodi, quod a nobis dictus Otto obtinebat, quar tam partem castri in Bolanden et vineam suam dicto castro contiguam cum consensu Loredde sue coniugis prenotate nobis loco dicti feodi resignavit, quam partem castri cum vinea ad iacente acceptavimus ; recognoscentes per assignationem dicti castri cum vinea recompensam sufficientem et meliorem nobis fore factam, et idem castrum cum vinea in feodum sibi conce- dimus, quemadmodum dicta decima ville Albisheim ipsi in feodo a nobis fuerat tradita et concessa, ut exinde nobis sit astrictus homagio sicut prius. Ne igitur propter malitiam homi- num, que de die in diem non decrescit,.. abbas et . . con- ventus monasterii de Otterburg predicti vel ipsorum successores aliqua molestie vel perturbationis seu impetitionis nebula in posterum agitentur, nos nomine nostro successorumque sive heredum nostrorum renuntiamus omni iuris auxilio canonici et civilis, consuetudini, statuto, privilegiis, in integrum restitution! et omnibus aliis quibuscunque, que opponi vel obiici possent contra predictas venditionem, translationem, permutationem et formam earundem, et contra presens a nobis super premissis traditum publicum instrumentum, quod in memoriam predicto- rum omnium et testimonium sepedictis . . abbati et conventui monasterii de Otterburg sigillo nostro dedimus communitum. Actum et datum anno Domini m.ccc.ix. in vigilia purificationis Virginis gloriose.