Consules et universi cives Wormat. Constare volumus pгe- sentium inspectoribus universis, quod in nostra constituta pre sentia G retela, relicta quondam Nycolai dicti Landecker, nostra concivis, in communi sententia duxerat requirendum, cum ipsa sibi et suis pueris quedam bona ad hereditatem eorum attinen- tia gravibus expensis et Iaboribus per iudicium sententialiter usurpaverit et iuris rigore conquisierit, si de hereditate predicta vendere possit in tantum, quod expense in actione seu lite facte persolverentur; et data fuit sententia, a circumstantibus approbata, quod licite in tantum vendere possit, quantum per testes ydoneos probare possit in ipsa actione seu lite habita pro bonis hereditariis sibi et ipsius pueris, ut predicitur, conquisitis expenditum et consumptum, contradictione puerorum suorum qualibet non obstante. Qua sententia habita dicta Gretela per testes fide dignos probavit, triginta libras Hallens. in dicta causa seu actione in dictis bonis attrahendis expendisse et ara- plius consumpsisse. Hac itaque probatione coram nobis facta predicta Gretela professa est, se iusto venditionis tytulo vendidisse religiosis viris . . abbati et conventui monasterii in Otterburg una m libram Hallens. censualem super domo dicta zum Duphus, contigua cappelle et cymeterio sancti Udalrici, quam inquam libram Hallens. censualem . . abbas et . . conventus predicti ipsi Gretele nomine census annis singulis solvere tenebantur; item super domo sua dicta zu Landecken contigua domui dicte zum Swanen in civitate nostra sita decem solidos Hallens. cen suales cedentes annuatim in festo beati Georgii et festo Re- migii, utpote census in civitate Wormat. generaliter assignatur, pro triginta libris Hallens. pecunie numerate: quam inquam pecuniam predicta Gretela confessa est ab . . abbate et conventu predictis integraliter recepisse et in solutionem debitorum in predicta actione seu lite contractorum plenariter convertisse:

316

quam quidem libram et decem solidos Hallens. censuales dicta óretela coram nobis resignavit . . abbati et . . conventui pre dicts, ut nostre civitatis consuetudo postulat et requirit; nec- non dictum censum in abbatem et conventum predictos trans- tulit pleno iure, nullum sibi ius in eodem censu penitus re servando. Renuntiavit insuper quoad hoc prefata Gretela omni actioni, impetitioni, exceptioni et defensioni facti et iuris utrius- que, tam canonici quam civilis, que sibi vel suis heredibus competere possent in presenti vel in futuro ad rescindendum venditionem supradictam. In cuius rei testimonium et robur inviolabile sigillum nostre civitatis ad preces Gretele predicte nostre concivis presentibus est appensum. Datum anno Domini M.ccc.xiiii. in die beati Nycolai episcopi proximo.