Nos iudices curie Spirensis. Ad universorum tam presen- tium quam futurorum notitiam cupimus pervenire, quod sub anno Domini m.ccc.ix. feria y. proxima ante festum beati Thome apostoli constituta coram nobis Elizabet conversa filia quondam Iohannis de Herlesheim, civis Spirensis, pure propter Deum et pro remedio anime sue curiam et domum cum suis pertinentiis, que quondam erant dominarum de Phortzheim, si tas apud dominum Iohannem dictum Zynim, canonicum eccle- sie sancte Trinitatis Spirensis ex uno latere, et in fine vici fratrum in civitate Spirensi ex alio, quas a prefato domino Iohanne pro quadraginta quinque libris Hallens. comparavit, prout in instrumento infra scripto et sigillo civium Spirensium super hoc confecto et sigillato plenius continetur, religiosis viris dominis . . abbati et conventui monasterii in Ottirburg, ordinis Cysterc. Mogunt. dyecesis, cessit, dedit, tradidit, resignavit, nec non donatione perfecta et inter vivos donavit, ac in ipsos simpliciter et irrevocabiliter pleno iure transtulit, renuntians expresse iuri et exceptionibus quibuscumque sibi competentibus ex nunc vel in posterum in eisdem. Tenor autem instrumenti, de quo superius fit mentio, is est : Nos iudices . . consules et universi cives Spirenses etc. per omnia sicut supra in prescripta littera. Testes etiam huius donationis et cessionis sunt frater Iacobus cellerarius maior monasterii predicti, frater Herburdus conversus de Dytensheim, Engelmannus quondam scultetus

299

Spirensis, Wernherus dictus zu dem Bilde, Voltzo sutor, con sules Spirenses, Humbertus, Fridericus et dictus Schafferan famuli civium Spirensium. In cuius donationis etiam testimo nium et evidentiam sigillum nostrum ad petitionem predicte Elizabet presentibus duximus appendendam. Actum et datum anno et die prenotatis.