Wir iunker Otte von Brussel vnd ein herre zu Bolanden, veriehen vns vnd dun allen den kont, die disen brief sehent oder horent lesen, daz Herburt von Dalsheim, hern Hertwig Stiches son, vnser lehen man, bit vnserme guden willen vnd verhengnisse hat alsoliche morgen, die er von vns zur lehene hat gehabet, die do ligent in Eppilnsheimer marken, der do zwobe sint an zale, vnd alsus sint gelegen, von erst an dem wege von Huckenhoven siben virtteil ackers, vnd dan aber do virdehalp morge In Heppenheimer marken anderhalb mor gen, zu Hauge siben virteil, an derselben stat nun virteil, vnd dan abir do vonf virteil wingartes. Dyse morgen hat er bit vnserme willen den hern von Otterburg vor recht eigen verkaufL^Aber dar gein hat er vns vor orsazet vnd of geben vnd wider zu lehen von vns entphangen siner eigen morgen achthalpe, die do sint gelegen zu Dalsheim an dyser steden, von erst zu Gabelen zwene morgen wingartes, an derselben stat einen morgen wingartes, vnd aber do einen morgen ackers, zu Rude einen morgen ackers, vnd an dem Holzwege zwene morgen, vnd dan offe Oderiche einen halben morgen, vnd darzu sinen hof zu Dalsheim. Daz gut hatt wir entphan gen bit solichem rechte, alse dazu gehoret, vnd darumme die ersten morgen, die do zu Eppilnsheim ligent, die voreigenen wir den hern von Otterburg ewiclichene zu besitzene. Wer aber, daz wir oder keiner vnser nachkommen, daz nummer geschehen muze, an den morgen zu Eppilnsheim sie hinder ten oder anesprechen, so sollent sich die von Otterburg for nahen an deme hove vnd an den morgen zu Dalsheim, die vns dar gein sint vf gegeben, ewiclichen fur recht eigen zu besitzene ane alle widerrede vnser vnde vnserre nachkumme- linge, oder auch des selben Herburdes vnde siner erben. Dise bede han wir vnd dise wandelunge lazen zu gen dorch Her burdes bede willen vnd siner fronde. Daz ez auch stede vnd ewec blibe, darumme so han wir vnser ingesigel gehenket an

267

disen gegenwortigen brief. Dirre brief wart gegeben nach godes geburth dusent iar druhundert iar vnde vonf iar, an vnser Frau- wen dage, alse sie geborn wart.