Ich Otte von Bolanden, des richs trosseisse, veriehen vnd dun kunt vffenliche bit dysem brieve, daz ich han globet bit truwen abezulegende die frauwe von Mertinsheim vnd ir kint von den zwenzig malder korn gulte, die sie vnd ir kint hant vffe deme zehenden zu Albesheim, zuschen hie vnd den nehe- sten pingesten. Wanne si dar vef verzihent vnd iren brief, den sie dar vber hant, of gegebeten, so sollent mir die hern von Ottirburg nunzig pont heller geben, vnd e sal ich sie nit da rumme anesprechen. Daz daz stede sy, darumme so han ich ien dysen brief gegeben, besigelt bit mime ingesigel, do man zalte nach Godes geburthe druzehenhundert iar vnde nun iar, an sante Iorgen dage.