Ich greve Heinrich von Spanheim veriehen vffenliche hit dysem brieve, daz ich bit gudem willen han verhenget Otten von Bolanden zu verkeufene sin halpdeil des zehenden zu Al besheim, groz vnde cleime, ane den winzehenden, den ich ge meine bit ieme zu lehene hatte, den geistlichen luden deme . . abte und dem . . convente von Otterburg, vnde verzihen vur mich vnde mine erben of allez daz recht, daz ich oder mine erben darane hatten oder mochten han. Daz daz stede sy, darumme so han ich disen brief den vorgenant luden, deme . . abte und deme convente von Otterburg gegeben, besigelt bit mime ingesigele, daz sie von mir vnd von minen erben vm- merme ane ansprache vnde vngeirret verliben. Dirre brief wart gegeben, do man zalte von Godes geburte druzehenhundert iar vnde nun iar, an sante Iorgen dage.