Nos soror Agnes abbatissa et conventus sanctimonialium in Syon prope Alzeyam, ordinis Cysterc. Mogunt. dyecesis. Lit- teris nostris presentibus publice protestamur ad universorum no- titiam devenire cupientes, quod nos bona nostra in vineis et iornalibus in terminis ville Dydensheim sitis, que nobis olim a Dytzone dicto Hunstrube bone memorie, quondam civis Wor- mat. occasione (Hiarum suarum apud nos susceptarum in puram elemosinam obvenerunt, honorabilibus et religiosis viris et in Christo nobis dilectis abbati et conventui in Otterburg iusto venditionis tytulo vendidimus pro quadraginta duabus libris Hallens. legalium et bonorum nobis solutis et pagatis in pecunia numerata, omne ius proprietatis, quod hactenus habuimus in predictis. bonis in Dydensheim, in ipsum . . abbatem et con- ventum in Otterburg predictos presentibus pleno iure transfer- entes, exhibitori presentium dicto Vorholtz nostro procurator! plenariam nostram presentibus dantes auctoritatem, in villa Dydensheim in foro iudicii predicta bona nostra in manus . . abbatis et conventus in Ottirburg predictorum secundum omnem exigentiam iuris nomine nostro resignandi, ratum et gratum habitur in perpetuum, quidquid per dictum procuratorem no strum in premissis fuerit acceptatum. Datum et actum anno Domini m.cccxxxi. in die beati Georgii martyris.