Ich Philippe», der herre von Bolanden, vnde des riches trossheisze, veriehen mich an dysem gewenwortigen brieve, daz ich bit gudem willen, greven Heinrich von Spanheim han verhenget sinen zehenden, den er zu Albesheim hatte, des ich sin gemeinder was, zu verkeifene, und verzihen an dysem ge- genwortigen brieve ich vnde mine erben offe allez daz recht, daz ich vnde mine erben an sime deile des vorgenant zehenden hatten oder mochten han. Daz diz stede vnde vnzurbrochen verlibe, des han ich ime vnde sinen erben gegeben dysen ge- genwortigen brief, besigelt vnd bestediget bit mime ingesigele. Dirre brief wart gegeben von gots geburthe dusent iar zwei hundert iar vnd ein vnd nunzig iar, an sante Vlriches dage.