Ich Jacob der weber vnd ich gei s el sein hausvrowe vnd all vnser erben, wir veriehen vnd tvn chunt allen di disen prief lesent oder horent lesen, di nu sint vnd hernach chunftig werdent, daz wir mit gesampter hant vnd mit wol verdachtem mut ze der zeit, da wir iz wol tvn mochten, vnd auch mit Thomans, Dyetleins, Chvnratz meiner hausvrowen prueder vnd mit gunst aller

19*

292 DAS STIFTUNGSBUCH

vreunt verchoufft haben den erberen geistlichen vrowen vron Anne zv den zeiten Aptessinne dacz sant Bernhart vnd der sampnvng all dez selben chlosterz ayn phunt phenning geltz ze rech tem purchtrecht auf anderthalb ievch weingarten vnd anderhalb ieu- chart akchers, di da ligent an dem Chuestain, von den man dient alle iar den vorgenanten vrowen sechs phenning an sant Michels tag zv rechtem gruntrecht vmb nevn phunt wienner phenning, der wir gancz vnd gar gewert sein, fvrbaz allen ieren frvm da mit schaffen, mit verchovffen, oder mit verseczen, alz ez in aller pest fvegleich sei. Wir schullen auch oder swer den weingarten vnd den akcher inne hat, daz ее genant phunt phenning geltz ze zwain tagen in iern hof dacz Leubs raychen halb auf sant Jorgen tag vnd halbs auf sant Cholmans tag. Taet wir des nicht, so schul fvrbaz wandel dar auf gevallen, alz purchrechts recht ist vnd gewanheit in dem land ze Oesterreich. Vnd wand wir nicht aygens insigel haben, gew wir in ze ainer pezzer sicherheit der vorgenanten sach disen prief versigelten mit dez erbern herren insigel hern Laurenczen ze den zeiten pharrer dacz Leubs vnd mit fridreichs dez waser ze den zeiten richter dacz Leubs di wir dar vmb gepeten haben, daz si diser sach gezeug sein mit ieren insigeln. Diez dinch ist geschehen vnd der prief ist geben an sant Mertein tag, da man zalt von Christes gepurd dreuezehen hundert Jar vnd in dem sechs vnd vierezigistem Jar.