Ich Gedrawt dez alten richter witib von recz vnd all mein eriben veriehen und tuen chund allen den, di disen brief sehen, horen oder lesen, Daz wier mit guetem willen vnd mit verdachtem muet ze der zeit, vnd wier ez wol tuen machten, Elzpeten mei ner tochter und Ann e n m ein er E ne nchel in den nu nn en dez ordens von sand Bern hart vnsern weingarten, der genant ist der pfeffel und ze Reczpach gelegen izt nach der vorge nanten Gedrawten tod den vorgenanten nunnen Elzpeten und Annen gemacht und geben izt, also mit ovzgenomer red, waz der weingart nuczes pringet, den schullen die vorgenanten nunnen iren frum mit schaffen an allen ierrsal. Wer avver daz ier ainevv abging, so schol in die ander inn haben unez an ieren tod, vnd wen die nicht izt, so schol der vallen ovf dacz goteshovs ze sand Bern hart, vnd schol ver Gedrawten vnd ierem vater Vlr eichen dem helfenstainer vnd meinharten ierem wiert vnd allen ieren vordem alle iar einen iartag da von begangen werd nach ieren trewn. Vnd dez sein wier Graf Ott und Graf Perich- tolt vonMaydburch scherm vnd gwem fuer alle ansprach nach dez landes ze Ostereich recht, vnd Ott von Flednicz ze der zeit dez weingarten stifter vnd stoerer. Man schol ovch dem vorge nanten Otten dem Fledniczer alle iar von dem weingarten in dem lesen dienen einen emmer weins alter mazz, vnd achtedhalm vnd zwainczig wienner pfenninge. Vnd da legen wier Graf Ott puer- graf von maydburch vnd graf ze Hardekk vnser insigel an disen brief zu einem gezeug diser sache vnd verschreiben wier uns graf perichtolt vnder vnsers prueder insigel Graf Otten ze zeug, wenn wir ze der zeit aygens insigeles nicht

DES KLOSTERS ST. BERNHARD. 199

enhet en. Der sache izt ovch zeug Ott vonFlednicz mit seinem insigel dez weingartens stifter und stoerer. Diser brief izt geben nach Cristes gebuerd drewzehen hundert iar, dar nach in dem vierczigi- sten iar an sand Margareten tag.