In nomine sancte et indiuidue trinitatis. Ego Nycolaus et Hinricus fratres dei gratia et doraini dicti de Rostok omnibus in perpetuum. Decurrenti cum tempore ne labantur, que geruntur in tempore, littera[rum memo]ria de[be]nt eternari. [In]de [est], quod ego Nycolaus et Hinricus fratres omnibus presentis pagine inspectoribus notum esse volumus, quod nos diuina nobis inspir[an]te gratia, cum vnanimi consensu fratrum nostrorum Johannis et Prybzlay et omnium heredum nostrorum, pro salute nostra et omnium antecessorum nostrorum pro remissione peccatorum, monasterio Lapidis Sancti Mychahelis, quod situm est in Halberstadensi diocesi, bona in solitudine ad villam Resin antiquitus pertinentia, ab omni iure secularis potestatis exempta, cum decimis, pratis, vineis, terris, [nemoribus, usuag]iis et pascuis, in busco et plano, in aquis et molendinis, in viis, semitis et omnibus aliis [libertatibus et imm]unit[atibus] suis, contulimus perpetuo possidendum. Ne autem predictum monasterium aliquam [de hoc dubietali]s patiatur molestiam, volumus, vt ab oriente paruum stagnum, quod wlgo Depense [d]icit[ur, et a]b occidente locus, qui Dependille nominatur, includantur, ab aquilone autem Nebulam fl[umen] tang[ant] et ad meridiem magnum stagnum Bisdede et terminos Belicho[. ens]es et terminos Belliconses (!) ant[iquitus] a [p]arentibus nostris designatos ab omni contradictione vbique contingant. Et ut omnis sinistra desit suspicio, quod bona voluntate fecimus, sigilli nostri inpressione roboramus. Huius donationis testes sunt: canonici de Gustrowe Godfridus, Thidericus, Johannes, Helias, Reynerus; laici vero: Hinricus dapifer, Baroldus aduocatus, Jordanus, Hinricus Grubo, Johannes de Snakenborch, Walterus de Amersleue, Wilhelmus comes de Altena, Bernardus comes de Speghelbrech, Johannes minor aduocatus et alii quam plures. Acta sunt hec anno gratie M°CC°XX0 nono, indictione secunda, kalendis Junii.