CCLX.

14Ö4. 1«. M8rz. Munchen.

Beilegung eines Streites zwischen dem Domkapitel zu Preising und der Stadt Mönchen um Ewiggeld.

Von gotts gnaden Wir Sigmund Phallntzgraue bey Reine Hertzoge in Obern vnd Nidern Bairn etc. Bekennen vnd tun kunt offennlich mit dem briene Als von solicher Irrung vordrung vnd zuspruch wegen So gewesen sind zwischen der wkdigen vnns sunderliebeu Thumbprobst Techanntt vnd gemainem Capitel des Thumbs zu Freysingen ains, vnd der Fursichtigen weysen

47*

373 Monumenta

vnnser lieben geirewen Burgermaister Rate vnd gemainclich vnnser Burger za Munchen von Ir selbs vnd Irer mitharger wegen vnd s un de il ich Maister Hannsen Kirchmairs Statschreiber Vrhan Manndels Ciasen Salburchs vnd Vlrichen StatsoIIdner zu Munchen als vrsacber des anndern tails Als vmb ewigen gellt vnd versessen zinss So das benant Capitel ans der obge nanten vnnser burger Maister Hannsen Kirchmairs Vrhan Mann dels Ciasen Salburchen vnd VIrichen StatsoIIdner hausern ver- inaint haben zu haben vnd das sy zu grunthern mit Recht von vnnsern Raten gesprochen warn, Dawider aber ain Burgermai ster vnd Räte Auch die vorgemellten vnnser burger vermainten das sy den ewigen gellt nicht mer schuldig warn zu geben an gesehen das der Hocngeborn furst vnnser lieber herr vnd vatter Hertzog Albrecht von Bairn etc. saliger gedachtnuss, Gemainer vnnser Stat Munchen von gemains nuez wegen ain freyhait geben hab, das man allen ewigen gellt von geistlichen vnd welt lichen losen mocht des sy dann nach lautt derselben freyhait zu derselben zeit willig gewesen sein die losung von Ine ze tun vnd das gellt vmb die losung, darauf hindergelegt haben, Vnd auch vmb die versessen Statstewr So ain Burgermaister Rat vnd gemaiue Stat Munchen von ainem Capitel des Thumbs zu freysing von dem obgenanten ewigen gellt vermainten zu haben Solich Irrung vns als dem lanntfursten nicht lieb ist ge wesen, vnd darumb das der wirdig Stifft vnd vnnser Stat Mun chen in guter ainikait vnd uachpawrschafft miteinannder beleiben als sy dann lanug zeit biszher gewesen sein, So haben wir vns sonerr in den sachen gemut vnd mit haiden tailn geredt vnd sunder gen ainem Capitel sonil vleiss gehabt vnd furkert das sy vns zu sunderm willen vnd wolgenallen Aach die vnnsern тon Munchen der sachen als vmb den ewigen gellt der ver sessen zins Auch der versessen Statstewr vnd aller schaden So sy auf haiden tailn der sachen genomen vnd empfanugen ¿aben gantz bey vns beliben sind was wir also zwischen Innen vmb all sach obgemellt sprechen seezen vnd machen das sy das stat vnd vnzerbroeben hallten sollen vnd wellen Als vns das

civitatis monacensis. 373

die Hochgelerten vnd wirdigen Maister Vlrich Aresinger Thumb- probst Maister Johannes Symonis Thumbtechant Johanns Pincz- Dawer vnd Burckhart von Freyberg Thambherrn zu Freysing von Ir selbs vnd ains gemainen Capitels wegen des Thumbs zu Freysing vnd Hanns Part Ellter Burgermaister Sigmund Potschner vnd Walthasar Ridler Ratgeber der Stat zu Munchen von gemainer Stat vnd der obgemellten Irer mitburger der ur sacher wegen mit hanntgeben trewen zugesagt vnd gelobt haben vnd als nach genugsamer uerhorung brief wort vnd aller sach haben wir nach zeitigem Rat vnnser Räte vnd mit guter vorbe- trachtnng zwischen Ir ausgesprochen vnd Sprechen in kraft des briefs, Zum ersten das Maister Hanns Kirchmair Vrhan Manndel Clas Salburch vnd Vlrich Statsolldner ainem Capitel des Thumbs zu Freysing den versessen ewigen gellt sonil des ainem Capitel von Ir yeglichem vnbezalt ausligt ausrichten vnd bezahl sollen zwischen datum des briefs vnd sanud Jorgen tag schirat an alle Irrung vnd Hindernuss, Mer Sprechen wir das ain Capitel des thumbs zu Freysing allen ewigen gellt So sy von den obge- nanten oder anndern vnnsern burgern in vnnser Stat Munchen haben abzukauffen geben den auch die vorgenanten vnnser bur ger also abkauffen sollen, zwischen datum des briefs vnd sannd Michels tag schirst, ye ainen ewigen guldein vmb Ainvnd- dreyssig guldein vnd ain pfund ewigs gellts, vmb Ainsvnd- dreyssig pfund Vngerisch golld vmb vngerisch Reinisch vmb Reinisch Münss vmb Münss yeglichs in seinem werdt, vnd wann sy also in obgeschribner masz von Ine abkauffent So sol In alsdann ain Capitel obgemellt all brief vnd vrkunt So sy uber solich hewser grund oder ewigen gellt haben uber vnd zu der selben hannden die also abkauffen, geben vnd auch die gullt aus Ir n Salbuchern vnd Reigistern tun, vnd als gemaine Stat versessne Statstewr von ainem Capitel vermaint zu haben von dem obgenanten ewigen gellt Sprechen wir das solhe Stewr hin vnd ab sein soll, Dann von der schäden wegen So haidtail der sachenhalb genomen haben Sprechen wir das solher schad ainer gen dem anndern hin vnd absein, vnd ain tail zu dem

374 Monumenfa

anndern darumb vnd auch vmb alle verganngen sacb den ob- geräten haundel autreffent nichts mer zu uordern noch zu spre chen haben sollen noch mugen wenig noch vil in kain weis alles trewlich vnd vngenarlich, vnd das diser vnnser spruch von haiden tailu gehallten dem nachganngen vnd genug getan werde, Des zu warm vrkunt geben wir yedem tail disz vnu- sers spruchs ainen gleichlauttenden spruchbrief mit vnuserm An- hanngendem Secret lnsigel versigelt, Das ist bescheben zu Mun chen an Freytag vor dem Suntag Judica, Des Jars Als man zelet nach Cristi vnnsers lieben herrn geburde Viertzehenhun- dert vnd in dem Viervndsechizigistem Jare. Ex archivo urbls monac.

(c S.)