(Chrismon.) In nomine sanctae et indiuiduae trinitatis. Heinricus diuina clementia preordinante rex. Saluberrimus (saluberrimis) igitur sacri eloquii institutionibus erudimur et admonemur, Ut temporalia relinquentes bona et terrena postponentes commoda aeterna et sinae (sine) fine mansura in celis studeamus adipisci consistoria. Quapropter nos dominicis non surdum auditum praebentes praeceptis et deificis obtemperando intendentes suasionibus quendam nostrae paternae hereditatis locum Babinberc dictum in sedem et culmen episcopatus sublimando proueximus et romana auctoritate atque venerabilis Heinrici vuirciburgensis episcopi consensu ac pari communique omniuni nostri fldelium tam archiepiscoporum quam episcoporum abbatumque nec non ducum et comitum consultu decretoque in honorem santae dei Genitricis Mariae sanctorumque apostolorum Petri et pauli nec non martirum kyliani atque Georii stabiliuimus et corroborauimus, ut et inibi nostrum parentumque nostrorum celebre haberetur memoriale et iugis pro omnibus ortodoxis hostia mactaretur salutaris; proinde nouerit omnium nostri fidelium tam praesens etas quam et suecessura posteritas, quia nos nostrae quendam proprietatis locura Matughof dictum in pago Matuggouuue et in comitatu Gebehardi comitis situm ad eandem supradictam episcopalem sedem Babenberc dictam vna cum omnibus eius pertinentiis siue adherentiis, videlicet vicis, villis, aecclesiis, seruis et ancillis, areis, aedificiis, terris cultis et incultis, uiis, inuiis, exitibus et reditibus, quaesitis uel inquirendis, siluis, forestibus, saginis, venationibus, aquis, piseationibus, molis, molendinis, rebus mobilibus et inmobilibus ac ceteris omnibus, quae rite scribi uel appellari possunt, quoquolibet modo utilitatibus hac nostrae auctoritatis praeceptali pagina, prout firmius possumus, donamus atque proprietamus omnium contradictione remota Precipientes igitur, ut in deo dilectus nobis sepe dictae sedis Eberhardus episcopus liberam dehinc habeat potestatem suique successore eundem locum Matughof dictum cum omnibus appenditiis suis tenendi, possidendi seu quicquid sibi libeat modis omnibus in usum episcopatus inde faciendi. Siquis igitur, quod absit, huius nostre donationis munificentiam destruere siue uiolare, (?) conscriptam manu propria roborantes sigilli nostri inpressione insigniri iussimus. Signum Domni Heinrici (Monogramma) regis inuictissimi. Eberhardus Cancellarius: uice uuilligisi archicapellani recognoui. Data Kalendis Nouembris indictione V. anno dominicae incarnationis M.VII. anno uero domni Heinrici secundi regnantis VI. actum Frankonofurt feliciter. amen.

Source Fulltext: OÖUB 2 (Wien 1856), S. 72-73