(Chrismon.) In nomine sanctae et indiuiduae trinitatis. Heinricus diuina fauente clementia romanorum Imperator Augustus. Nouerit omnium fidelium nostrorum tam praesens aetas quam et successura posteritas, qualiter nos quendam nostrae paternae hereditatis locum Babenberc dictum in sedem et culmen episcopatus sublimando proneximus, quaedam nostrae proprietatis loca, que Gebehardus comes in beneficium habuit, In comitatu Piligrimi et in pago Matihgowe sita ad eundem comitatvm pertinentia excepto vno praeconali manso, quod nos scherinhoba vocamus, cum omnibus eorum pertinentiis siue adherentiis, rebus mobilibus et inmobilibus Ac ceteris omnibus, quae rite scribi uel appellari possunt quoquolibet modo utilitatibus hac nostrae Auctoritatis praeceptali pagina Ad eundem supradictum locum ßabenberc, prout firmius possumus, donamus atque proprietamus omni contradictione remota, Praecipientes igitur, ut in deo dilectus episcopus eberhardus atque successores sui liberam dehinc habeant potestatem eadem loca cum omnibus appendiciis eorum Tenendi, possidendi seu quicquid sibi libeat modis omnibus in usum episcopatus inde faciendi. Siquis igitur, quod absit, huius nostrae donationis muriificentiam destruere siue uiolare praesumet, tormento Inextinguibili coram oeulis dei luat. Quod ne fiat, Sed haec traditio nostra ab omnibus incorrupta permaneat, Hanc cartam inde conscriptam manu propria roborantes sigilli nostri inpressione iussimus insigniri. Signum domni Heinrici (Monogramma) Imperatoris inuictissimi.||
Guntherius cancellarius ad uicem erchanbaldi archicappellani recognoui. Data XI. Kal. Julii Indict. XI. anno dominicae incarnationis MXIIII. anno vero domni heinrici secundi regnantis XII. Imperii vero I. Actum Radaspone.

Source Fulltext: OÖUB 2 (Wien 1856), S. 76