Anno ab incarnacione domini Millesimo C.XXXV. Consecratum est a principio hoc monasterium et altare sancti Pancracii patroni huius loci per venerabilem Episcopum patauiensem Regenbertum. VI. Idus Nouembris presente Haeinrico secundo imperatore Romani imperij cum Episcopis suis Ditmaro archyepiscopo saltzpurgensis Ecclesie et Perngero patauiensi Episcopo et Niceno Laodicensi Episcopo cum aliis XIII. Episcopis et cum Haeinrico duce Bawarie et Saxonie, qui tunc circumquaque terminos huius ecclesie prouide statuerunt. POst hec anno domini Millesimo CC.Xlij. per incendium Obernpergensium hostium in nocte beati Vrbani est miserabiliter execrata. DEnuo per venerabilem Haeinricum Episcopum Ratisponensem de Rotenek ex permissione Gotfridi patauiensis episcopi procurante honorabili Chunrado huius loci preposito est reformata Anno domini M. CC. LXXXiij. in uigilia Mathei presente magnifico Heinrico duce Bawarie cum suis Baronibus, qui per tres dies ipsi Episcopo ob huius loci reuerenciam expensas laudabiliter in Provnowe ministrauit habito tunc colloquio in Cell circa Ried cum Alberto duce Austrie et F. Saltzpurgensi Episcopo, qui uolebant hostiliter inuadere suam terram, Ipse uero uiriliter se oponens tamen ad amicabilem concordiam redierunt. Consecrauit eciam idem Heinricus tria altaria in hac ecclesia, altare sancti Pancracii et sancti Johannis et sancte Catherine. Anno domini Millesimo Quadragintesimo decimo septimo vltima die Martij, que fuit quarta feria post Judica, positus est primus lapis fundamenti Hospitalis Sancti Spiritus in Prawnaw per Manus Johannis de Mawrkirchen Canonici in Rannshofen plebani ibidem in Prawnaw. ANno domini Millesimo Quadringentesimo Tricesimo nono vicesima sexta die Mensis Octobris Ipsa die sancti Amandi Episcopi et confessoris positus est primus lapis fundamenti Ecclesie sancti Stephani in Prawnaw per manus Venerabilis patris et domini Erasmi prepositi Monasterij Canonicorum Regularium in Ranshofen. Anno domini Millesimo Quadringentesimo Septuagesimotercio Feria tercia ante Exaltacionem Sancte crucis Consecrata est Capella infirmorum sew leprosorum Per Reuerendissimum jn christo patrem ac dominum dominum Albertum episcopum Saloniensem cooperator (sic) Reuerendissimi in christo patris ac domini domini Wdalrici episcopi patauiensis diocesis. ANno domini Millesimo Quadringentesimo Septuagesimoquarto Vicesima septima die Mensis Septembris Ipsa die sanctorum martirum Cosmi et Damiani Positus est primus lapis fundamenti Parrochialis ecclesie sancti Michaelis in Ranshofen per manus Venerabilis patris et domini Wolfgangi prepositi Monasterij Canonicorum Regularium ibidem. (Spätere Hand) Anno m.cccc.92. positus est primus lapis turris S. Stephani in prawnaw per Venerabilem patrem dominum leonardum callinger prepositum in Ranshouen. Anno m.cccc.97. positus est primus lapis capelle S. martini per Reuerendum patrem dominum klasium rosenstingl prepositum huius loci. Anno m.cccc.97. positus est primus lapis turris in schwandt per dominum Casparem turndl canonicum et capellanum eiusdem capelle.||
Hec capella destructa est a palatinis anno m.d.4., Sed iterum reedifficata anno 21 et primus lapis positus est per dominum Casparem prepositum huius locj. Anno salutis humane m.d. octauo positus est lapis primus chori S. pancracij feria 2. post letare per dominum Casparem Turndl. Demum basilice posterioris primum lapidem iecit feria sexta post festum asscenssionis dominj anno etc. (15) 17 perfectumque eo modo opus ecclesie per eundem anno 20. extat. laus sit deo omnipotentj.

Source Fulltext: OÖUB 2 (Wien 1856), S. 176-178