Cunradus Caelesti gracia Pataviensis Episcopus fidelibus salutem in perpetua benedictione Domini. Domino Salvatore omnium bonorum auctore cooperante et predecessores Venerabiles Episcopos sic imitari et successores nostros pari volumus exemplo in idipsum provocare, ut loca divinis cultibus mancipata tum nostris impensis adjuvemus, tum possessiones ipsas a quibuscunque fidelibus impensas Dei omnipotentis auctoritate et munimento nostri privilegij contra omnium, quecunque dici aut fingi poterunt, improbitatem stabili in perpetuum tenore confirmemus. Renovantes igitur quoddam nobis oblatum felicissime recordationis Egilberti Pataviensis Episcopi privilegium pro institutione Erlahensis Ecclesie conscriptum latificamus cunctis moderni et futuri temporis fidelibus, quod Vir quidam nobiliter ingenuus Otto nomine una cum propinquis suis Dieterico et Engelscalcho in renuntiando secularibus Semetipsum abnegans facultatum suarum, quibus admodum pollebat, pro Dei amore, pro sua, omnium debitorum salvatione Beatum Petrum Principem Apostolorum Sanctumque Baptistam Domini Precursorem felicissimos conscripsit heredes ita quidem, ut in loco, qui Erlach nuncupatur, Claustro religiose constructo Sanctimoniales ibidem ad regularem vitam congregate Deo devote jugi famularentur obsequio, et locus ipse ad titulum S. Stephani Protomartiris in manum Domini Egilberti Episcopi mancipatus sub sua et omnium deinceps illius sedis Episcoporum proficeret defensione et aminiculo. Ab ipso ejusdem loci Katholico Fundatore hec annexa est conditio, quod si forte sua hec institutio ullius unquam violenta potestate destructa cessaret, hereditas sua ad primum cognationis remearet. Hec sunt nomina Prediorum, que idem Fundator felicissimus prefate contulit Congregationi: Erlach et omnes in circuitu sitas sui Juris possessiones, hoc est Steine, Waldarn, Gruobe, Engilberge, Wengilbach, Gottenhoven, Palsense, Aschach, Flinspach, VVerenhersdorf, Scafaerfelch, Innlinnesdorf. Pari devotione Venerabilis Episcopus Egilbertus et ipse spe retributionis eterne tradidit super aram Sancti Petri in eodem loco in augmentum Prebende ancillarum Dei quinque Huobas et duas vineas cum aliquot mancipijs, In Ecclesia Oftheringe terciam partem decimarum, in Ecclesia Ardacheren predium et duas partes decimationis, Apud Ecclesiam Woflspach (Wolfspach) predium et integram decimationem de XXIIII. mansaricijs. Deinde Regmarus Episcopus tradidit eidem Ecclesie tertiam partem decimationis de ipsa parrochia Erlache, Item ad eundem locum attinet ex donatione predicti Egilberti Episcopi integra decimatio de XXIIII. mansaricijs in Ecclesia S. Valentini sitis. Testes Investiture Domini Ottonis sunt infra subnotati: Hartman de Erlach, Werinhardus de Stafalaren, Frietel, Aribo, Vdalrich de Ardachern, Waltchuon de Perge, Piligrim de Cella, Alram de Willehring, Vdalrich de Machlant, Hadamar de Erlach, Haderich de Hadrichesdorf, Hartvvich de Heide, Idunch, Regile.||
Sunt preterea et hec Prediorum nomina eidem loco postmodum a fidelibus Christi in stipendium filiarum suarum pro salute animarum fidelium collata: Lupe, Walinsdorf, Othprechtesperg, Sulzpach, Harrose, Halle, Erlofhingen, Hecherens, Vinea Opinge, Richpoldesvvinchl, Michstetten, Hagelin et III. domata ibidem sita, Lengenbach, Steinvvant, Gruobe, Waldaren, Strasse, Treunenich, Sevvaren, Werde, Hittingen, Spaetinesdorf, Fuostendorf, Lohe, Sirniche, Chremelise, Piela, Edelize, Flinspach, Sebiskenbruonnen, Chalmuonse, Dtristnicheneh. Nos ergo predictam congregationis institutionem noticie posterorum scripto presentis pagine et in eandem sigilli nostri suspensione commendantes per virtutem Sancte et Individue Trinitatis, per merita omnium Sanctorum, per districtam banni nostri sententiam locum illum locique incolas, colonos et possessiones universas sub divina protectione contra omnium quascunque vexationes et molestias ponimus nostrisque successoribus Episcopis fouenda hec universa et protegenda committimus. Acta sunt hec in Chrinsmuonnstivre Anno post Incarnationem Domini Millesimo CLI. XI. Kalend. Junij, Anno vero Episcopatus nostri IIII. Indict. autem XIIII. Epacte I. Concurr. VII.||
Ego Kadelous Pataviensis Prepositus subscripsi. Ego Adelgochus Pataviensis Decanus. Ego Vdalricus Prepositus S. Marie. Ego Ruodpertus Archidiaconus laudo. Item ego Ruopertus Archipresbiter laudo. Ego Sigehardus laudo. Ego Adalbertus Custos laudo. Ego Hermannus laudo. Ego Heinricus Scolasticus laudo. Ego Adalbertus Abbas S. Agapiti laudo. Ego Wernhardus Forinbacensis Abbas laudo. Ego Sigehardus Abbas S. Marie de Gaerste laudo. Ego Heinricus de Sabenich laudo. Ego Dithmarus S. Floriani Prepositus laudo. Item ex Laicis testes sunt renovationis Adelrammus de Offtheringen, Herrandus de Werde, Adalber de Nuoiuaren, Marquarth de Wesen, Richker de Osternahe, Ruodiger ceterique quam plurimi.

Source Fulltext: OÖUB 2 (Wien 1856), S. 256-258