In Nomine sancte et individue Trinitatis. Livpoldus Dei gratia Dux Austrie et Styrie Omnibus Christi fidelibus salutem in perpetuum. Benevolentiam, quam generaliter ad Ecclesias virosque religiosos et sacra undique loca extendere debemus, Ecclesiis ad nos spectantibus tanto promptius inpendere debemus, quanto familiariore jure adstricti nos vobis esse videmur. eo igitur intuitu metmensi Ecclesie, quam ratione fundationis majori delectationis affectu amplecti debemus, eiusdemque Ecclesie fratribus in transducendis bonis ipsorum apud Thelonea sive mutas nostras hoc ipsum juris donavimus, quod a beate memorie Patre nostro Duce Livpoldo fratreque nostro Duce Friderico habuerunt, cum et nos in bonis actibus eos imitari cupiamus videlicet, ut singulis annis supra dicte Ecclesie fratres pro omnibus bonis ipsorum, que apud mutas nostras transducuntur, nonnisi XXXII. nummos apud Steine et totidem apud Ipspurch vel quocunque muta nostra transferatur, persolvant. Insuper Anasi apud mutam nostram, que dicitur furuart, singulari nostra donatione liberum eis transitum concedimus. Ut autem hoc jus nostre donationis stabile eis in posterum observetur, presentem paginam scribi sigiilique nostri Karactere roborari subscriptioneque testium, quorum nomina sunt hec, muniri jussimus. Domnus Chuonradus Cappellanus, Wolfgangus Cappellanus, Krafto de Ancinspach, Wernhardus de Schovvenberch, Wichardus Dapifer, Otto de Haslouvve, Heindericus de Buorf, Hugo de Ottensteine, Uolricus de Kunegesprunne, Ortolfus de Ramensteine. Datum per rnanus Uolrici Notarii apud Plaedlingen super Isermos Anno Incarnationis Domini MCXCVIII. XV. Kal. Septembris.

Source Fulltext: OÖUB 2 (Wien 1856), S. 462