Charter: Oberösterreichisches Urkundenbuch, weltlicher Teil (540-1399) 1221 IV 02
Signature: 1221 IV 02
Add bookmark
Edit charter (old editor)
2. April 1221, Roma-Laterano
Papst Honorius III. genehmigt die Übergabe des Klosters Schlägl an den Prämonstratenser-Orden.Source Regest: OÖUB 2 (Wien 1856), S. 629
Aus einem Vidimus des Bischofs Wernhard von Passau ddo. 25. Februar 1300
Honorius Episcopus seruus seruorum dei dilectis filiis G. Rectori et fratribus Sancte Marie in Slag Premonstratensis ordinis Salutem et apostolicam benedictionem. Solet annuere sedes apostolica piis votis et honestis petencium precibus fauorem beniuolum inpertiri. Sane sicut ex parte vestra fuit expositum coram nobis, cum venerabilis in Christo frater noster Patauiensis episcopus Ecclesiam sancte Marie in Slag de voluntate patroni eiusdem Ecclesie Capituli sui accedente consensu vobis pie ac prouide duxerit conferendam in ea secundum Premonstratensis ordinis instituta domino seruituris, Nos vestris precibus inclinati, quod per eundem Episcopum super hec prouide actum est, authoritate apostolica confirmamus et presentis scripti patrocinio conmunimus. Nulli ergo omnino hominum liceat hanc paginam nostre confirmacionis infringere vel ei ausu temerario contraire, Si quis autem hoc attemptare presumpserit, indignationem Omnipotentis dei et beatorum Apostolorum Petri et Pauli se nouerit incursurum. Datum Lateranj IIII. Nonis Aprilis Pontificatus nostri Anno quinto.
Source Fulltext: OÖUB 2 (Wien 1856), S. 629-630
Original dating clause: IIII. Nonis Aprilis
Editions:
- Confer. Mon. boic. XXVIII. II. 142.
- Gewold, III. 37.
Language:
Places
- Roma-Laterano
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
