Ich Cadolt von Haichenpach vergih allen den, di disen brief sehent oder horent lesen, die nu lebent oder her chwnftig sint, daz mein pruder Seidel mith meim gu^etem willen dem Gotshavs vnde den prudern daz zem Slag hot gegeben vnd gesaft Schees (sic) zilling gwlt dazz Glacing im zelbem zv aim zelgret vnde di vbrig Schees zillinc gwlth dazelbst dazz Glacing vnde ain halbs pfwnt gelzze dazz Lietenber hot gezecet dem vor genantem Gotshavs vm zwai vnde zwainz pfwnt Passawer pfenning ins Falkenstainers hant. Darvber gib ich disen brief veringsigelt mith meim Ingsigel. Dez zein gezewg. Cunrat der Preuol, Ditreich der Kelner, Hainreich der Custer Pruder von Slag, Her Calhoch von Falkenstain, Her Cunrath der Magvnhavs, Oth von Crotendorf, Pvrkel von Falkenstain, Mw^elhavsher avch von Falkenstain. Der brief der ist geben, do von Christes pvrd waren Tavsent Jar, Drihundert Jar in dem widerm Jar an dem dritem tag noch vnser wrawen tag der Erern.

Source Fulltext: OÖUB 4 (Wien 1867), S. 400-401, Nr. 431