Otto dei gratia vngarie Rex, palatinus Comes Renj, dux bawarie judicibus ceterisque suis officialibus et hominibus per suum dominium constitutis gratiam suam et omne bonum. Considerantes, quod dignis digne bene fit sibi pro meritis et alijs in exemplum, Eece virum honorabilem dominum hiltprandum venerabilem Canonicum ecclesie in Matse, plebanum in Mawrkirchen vita et moribus approbatum et hospitalitatis largitate multipliciter conmendatum specialium Capellanorum nostrorum numero agregamus et in nostram protectionem recepimus specialem ita, quod ipse amodo eo jure, honore et libertatis priuilegio perfrui debeat et gaudere, quibus nostre Curie capellani et Notarij usque ad hec tempora sunt gauisi. Quare volumus et mandamus vobis omnibus et singulis firmiter et districte, Ne quis vestrum ipsum in se suaque familia contra racionis debitum agrauare audeat uel presumat, Sed pocius ipsum vobis habere studeatis in omnibus efficaciter recomissum Non sinentes pro nostri mandati reuerencia sibi, sue familie ab aliquibusTurbacionem et injuriam aliquam jrrogari, Quia sicut in suis beneficijs beneficiamur, jta in ipsius turbaremur turbacionibus et suorum. Ad hec eidem propter hospitalitatis sue beneficia, que ad omnes liberaliter extendere consweuit, vt libencius hospites excipiat et decencius reficiat, hanc facimus gratiam specialem, vt in aquis nostris Matticha, Mospach, Trewbach et Rospach duos habeat piscatores, quorum piscacionibus ipsius hospitalitas fulciatur et persona euideucius honoretur. Datum apud prawnaw Anno M°.CCC°. duodecimo in octaua beate Agnetis virginis.

Source Fulltext: OÖUB 5 (Wien 1868), S. 69-70, Nr. 67