WIR Heinrich von Tvntzing Burger ze Styr vnd Alheit sein hausvrowe tv°n chvnt mit disem brif allen den, di in sehent lesent oder horent lesen, Daz wir mit gunst vnd willen vnser Erben vnd mit gutem rat vnser vrevnt haben auf gegeben di Hueb datz Swammarn an dem pavmgarten, di wir fu^er ein vreyes aigen vmb die erwirdigen vnd frvmen Leute Hermann vnd johansen vnd Otten gebruder von Egendorf vnd vmb vron katherin vnd vron Hilkarden ir swester rechtes vnd redleichs chauffes an vns vnd vnser Erben gechauffet haben, auf gegeben haben den hochgeborn herren vnd fursten den Hertzogen ze Osterrich vnd ze Styr vnd haben daz selbe gu^et von in wider enphangen vns vnd allen vnsern Erben ze einem rechten steten Lehen, vnd des ze einem offen vrchunde so geben wir in disen brief mit des bescheiden mannes Petern des Richter ze Steyr jnsigel versigelten, Der geben ist ze Styr des Phinstages nach sant Margareten tag, do man zalt von Christes gebu^ert Drevzehen hvndert jar vnd darnach in dem sibentzehenten jar.

Source Fulltext: OÖUB 5 (Wien 1868), S. 193-194, Nr. 195