Ich Eberhart von Chappelln czden zeiten haubtman ze Ens vnd phleger dacz Schaerdingen vnd ich Hanns von Chappelln sein Vetter vnd mit v^ens alle vnser eriben wir veriehen offenbar mit dem brief vnd tu^enn chu^ent allen den die den brief sehent oder horent lesen di nv^e sind vnd hernach chv^emftig werdent, daz vnser seliger herr herr Jans von Chappelln dem Got genade in vnserr vraw/^en êren di chappelln ze Mitterbêrch in dem innern vorhof gepawen vnd gewidemt hat, vnd hat bei seinen lebentigen zeiten der pharre dacz Perichirchen dhain widerlegunge nicht getan in der pharre daz hav^es leit, vnd waz di pharre mecht schaden davon genêmen, an di selben andacht habe wir gedacht vnd haben der pharre den schaden vnd daz offer widerlegt mit drein guetern, der ligen czwaie in Mitterchiricher pharre in dem Vreynbêrd vnd sind dreu^eczehenthalber schilling phenning gelts, vnd ains in Chreu^eczer pharre genant dez Prewer lehen vnd ist fu^emf schilling pfenning gelczs. Die gueter haben wir darvmb geben czu^e der pharre, daz wir v^enser nachcho^emen oder wêr das haus ze Mitterberch inne hat fu^erbaz diselben chappelln leichen mu^egen an allen chrieg. Wier sein auch oder wer das haus Mitterberch inne hat der obgenanten gueter eribvogt gewern vnd schêrm nach lanczrecht in O^esterreich wo in des du^erft geschicht; vnd wer das daz der egenanten pharre dacz Perichirichen vnd dem pharrer daselben daran icht abgienge mit recht, daz schu^elle wir in auzrichten nach landes recht, daz lobe wir in mit v^ensern trewen, vnd schu^ellen daz haben auf v^ens vnd auf allem dem gu^et daz wir haben in dem lant ze O^esterreich wier sein lebentig oder tode. Vnd daz der vorgenanten pharre dacz Perichirichen vnd dem pharrer daselben allez daz daz vor an dem brief uerschriben ist also stêt vnd vnczebrochen beleibe von v^ens vnd allen v^ensern eriben, darv^eber gebe wir in den brief cze ainem waren sichtigen vrchu^ende versigelten mit v^enser baider anhangunden insigeln. Vnd der widerlegu^enge vnd allez dez daz voruerschriben ist an dem brief sind geczeuge die erbern leutt herr Weczel von Erbingen vnd Leu^etoldt der Stainnreüter cze den czeiten lantrichter im Machlandt mit iren anhangunden jnsigeln. Der prief ist gegeben dacz Ens da man czalt von Christes gepu^erdt dreuczehen hundert jar vnd darnach in dem aecht vnd fu^emfczkistem jar dez no^echsten mittichens vor dem prehen tag.

Source Fulltext: OÖUB 7 (Wien 1876), S. 549f., Nr. 537